УИХ-ын гишүүн Ганхуягийн үүсгэн байгуулсан Бридж группын харъяа барилгын компанид нь хүн амины хэрэг гарчээ. Энэ сарын 28-ны өдөр ХУД-ийн 15-р хороонд байрлах “Бридж” компанийн ажлын байранд хүн амины хэрэг гарсан дуудлагыг цагдаа нарт хүргүүлсэн байна.

Хэргийн газарт ХУД-ийн цагдаагийнхан хэлтэсийнхэн шуурхай очсон ч аль эрт хэрэг явдал болчихсон байжээ. Хэрэг болсон процессыг цухас дурьвал, “Бридж” компанийн туслах ажилтан Б.О нар нь согтууруулах ундаа хэрэглэсэн үедээ хоорондоо муудалцан, зодолдож иргэн О нь Б-гээ үхтэл нь зодож амь насыг нь хохироосон хэрэг үйлдсэн байжээ. Дээрх хэргийг одоогоор ХУД-ийн цагдаагийн хэлтэс мөрдөн шалгаж байгаа юм байна.

Түүнчлэн цагдаагийнхны мэдээлж буйгаар бол барилгын компаниуд туслах ажилчидтай түр гэрээ хийдэггүй, тухайн ажилтаны талаарх ямар ч судалгаа байдаггүй зэрэг зөрчил дутагдлыг байнга гаргах болсныг дурьдах болжээ. Эл зөрчилтэй үйлдэл нь “Бридж” компани дээр ч давтагдаж туслах ажилчид болох О, Б нар нь хөдөлмөрийн гэрээ хийгээгүй байсан нь шалгалтын явцад тогтоогдсон байна. Дээр нь ажилчид ажлын байрандаа архидан, согтуурах үйлдэл гаарч, үүнд хяналт тавьдаггүй зэрэг нь дээрх хэргийн гарах үндсийг тавьсан хэмээн холбогдох байгууллагынхан нь сануулах болсон байна.

чухалмн