“Танайд хоноё” нэвтрүүлгээрээ олонд танигдсан сэтгүүлч Г.Алтантүрүү өдгөө ам бүл дөрвүүлээ өвөөгийндөө байдаг ажээ.

Харин саяхан “Best house”-ын хамт олон байшин бэлэглэсэн байна. “Шинэ дэлхий” телевиз “Сэтгэлийн дуудлага” нэвтрүүлгийг “Best house”-ын хамт олонтой хамтран бэлтгэж байгаа. Тэд өрх толгойлсон эхэд байшин барьж өгөхийг хүссэн ч амьдралын төлөө тэмцэж байгаа, нэвтрүүлгийн бодлогод нийцэх хүн олоогүй учраас Г.Алтантүрүүд байшингаа гардуулсан аж.

Түүнд шинэ байшингийн түлхүүр гардуулах үед “Би одоо айлд хонохгүй. Магадгүй “Манайд хоноё” нэвтрүүлгийг энэ байшинд хийх байх. Надад ийм их итгэл хүлээлгэсэн та бүхэнд мэхийе” гэсэн юм.

“Best house”-ын залуугийн хэлснээр “Алтантүрүү Монголын залуусыг олон сайхан зүйлд уриалан дуудсан, амьдралд хайртай залуу. Тиймээс энэ байшингаа өгөхөөр шийдсэн” гэв.

Эх сурвалж: Шуурхай.мн