“Тираннозаурус Батаар”-ын араг яс энэ сарын 17-ны орой эх орондоо эргэн ирсэн билээ. Гэтэл үнэт олдворыг байрлуулахаар төлөвлөөд буй Лениний музейн асуудал шийдэгдээгүй байгаа юм.
Иймд тус түүхийн үнэт ховор олдворыг ССАЖ яамнаас “Монгол Улсын төв цэг” дээр байшин барьж түр хугацаагаар буюу ирэх есдүгээр сарын 15-ныг хүртэл байрлуулах болсон байна. Ингэснээр олон нийтэд дэлгэн үзүүлэх үйл ажиллагааг зохион байгуулах боломжтой ажээ. Хэмжээний хувьд түр музейн өндөр 8 метр, 24×32-ын харьцаатай гэнэ.

Энэ талаар өнөөдөр 11:00 цагт ССАЖЯ-ны Хурлын танхимд, Сүхбаатарын талбайд байгаа “Үлэг гүрвэлийн түр музей” болон жинхэнэ музейн асуудлаар тус яамны Соёлын өвийн хэлтсээс мэдээлэл хийнэ.

Эх сурвалж: Шуурхай.мн