Сүхбаатар дүүргийн 03 дугаар хороонд байрлах Саруул худалдааны төвд 05 дугаар сарын 20-ны өглөө 08 цагт гал гарсан.  Иймд НМХЕГ-аас газар дээр нь очиж хяналт тавьж ажилласан байна. Ингэхдээ Саруул худалдааны төвийн урд хэсгийн Тyson тахианы махны павилон, зэргэлдээ 2 хүнсний павилон болон ойролцоо байрлалтай өндөгний хөргөгч бүтээгдэхүүнтэйгээ бүрэн шатсан, мах, хиам, сүү, сүүн бүтээгдэхүүн, гурил, будааны лангуу, павилон хагас шаталттай, ихээхэн хэмжээний тортог унасан байдалтай, худалдааны талбайн гал бүрэн унтарсан, шалан дээгүүр ихээхэн хэмжээний ус асгарсан, нийт талбай болон хүнсний бараа бүтээгдэхүүн нэлэнхүйдээ хөө тортогт хучигдсан, хиншүү хярвас шингэсэн байр байдалтай байсан бөгөөд дээрх бүрэн шатсан 3 павилон, өндөг, мах, гурил, хиам, жимс, ногооны лангуу, павилонд лац тавин битүүмжилжээ.
Эх сурвалж: Шуурхай.мн