Төлбөр тооцоог үндэсний мөнгөн тэмдэгтээр хийх мэдэгдлийг ШӨХТГ-аас бүх худалдаа, үйлчилгээ эрхэлдэг ААН, байгууллагуудад хүргүүлж эхэлжээ.

Учир нь зарим аж ахуйн нэгж байгууллагууд бараа үйлчилгээнийхээ үнэ тарифыг гадаад валютаар тогтоож худалдаалж байгаа талаар хэрэглэгчдээс ирүүлсэн гомдол ирүүлсэн аж. Гомдлын дагуу шалгалт хийхэд зарим компани бараа бүтээгдэхүүн, үйлчилгээнийхээ үнэ тарифыг гадаад валютаар тогтоосон, худалдсан, хэвлэл мэдээллийн хэрэгсэл, интернет сайтаар сурталчилсан нь тогтоогдсон байна. Энэ нь төлбөр тооцоог үндэсний мөнгөн тэмдэгтээр гүйцэтгэх тухай, Зар сурталчилгааны тухай, Хэрэглэгчийн эрхийг хамгаалах тухай хуулийг зөрчиж байгаа ажээ.

Иймд долоо хоногийн хугацаатай уг мэдэгдлийг хэрэгжүүлээгүй тохиолдолд хуулийн дагуу иргэнд хөдөлмөрийн хөлсний доод хэмжээг 10-30 дахин, ААН, байгууллагыг 50-100 дахин нэмэгдүүлсэн хэмжээгээр торгох, тусгай зөвшөөрлийг цуцлах хүртэл арга хэмжээ авахыг анхаарууллаа. Долоо хоногийн дараагаас хуулийн хариуцлагыг тооцох болно гэсэн юм.
Эх сурвалж: Шуурхай.мн