Тавдугаар сарын 18-ны өдрийн Засгийн газрын хуралдаанаар төрийн өмчийн багш бэлтгэдэг их дээд сургуульд элсэгчдийг элсэлтийн ерөнхий шалгалтдаа 650-750 оноо авбал сургалтын төлбөрийн 70%, түүнээс дээш оноо авбал 100% чөлөөлөх шийдвэр гаргажээ. Мөн элсэгчдийн 10-аас доошгүй хувийг эрэгтэй байлгах чиглэл баримтлах болсон байна.

Учир нь 2012-2013 онд элсэгчдийн ерөнхий шалгалтын үзүүлэлтээс харахад Монгол Улсын Боловсролын их сургуулийн элсэгчдийн 59,5 хувь, Ховдын их сургуулийн элсэгчдийн 88,5 хувь, Дорнод дээд сургуулийн элсэгчдийн 96,84 хувь нь 600-аас доош оноо авчээ. Энэ нь тун хангалтгүй үзүүлэлт.

Багш болох хүсэл сонирхолтой, багшлах авьяас чадвартай элсэгчдийг сонгон шалгаруулах механизмгүйгээс ийнхүү сурлага тааруутай нь багшийн мэргэжил сонгох болжээ. Анхаарал хандуулах ёстой өөр нэг асуудал бол элсэгчдийн хүйсийн харьцаа. Сүүлийн жилүүдэд шинээр бэлтгэгдсэн багш нарын 6-24 хувь нь л эрэгтэй байгаа юм байна.

Эх сурвалж: Шуурхай.мн