Нийслэлийн Баянзүрх дүүргийн нутаг дэвсгэр Дандарбаатарын гудамж буюу Офицеруудын ордны аюулгүйн тойргоос хойш Цайз захын уулзвар хүртлэх 0.9 километр замыг өнгөрсөн амралтын өдрүүдэд хааж зам засвар шинэчлэлийн ажлыг гүйцэтгээд байсан. Тэгвэл тус 0.9 км замын хатуу хучилтийг дуусгаж өнөөдөр замын хөдөлгөөнийг бүрэн нээсэн байна. Хучилтын ажлыг “Наранбулаг Хан” компанийн замчид төлөвлөсөн хугацаанаас хоёр өдрийн өмнө дуусгасан бөгөөд ийнхүү замын хөдөлгөөнийг нээж, тээврийн хэрэгслийг саадгүй нэвтрүүлж эхлээд байна.

Тус замыг гүйцэтгэгч компани наймдугаар сарын 01-нд бүрэн ашиглалтад хүлээлгэж өгөх бөгөөд одоогоор хөрсний ус зайлуулах далд шугам явган хүний гарц, гэрэлтүүлгийн ажлууд хийж байгаа ажээ.

Эх сурвалж: Шуурхай.мн