Монгол Улсын Ерөнхийлөгчийн зарилгаар  жил бүрийн 5,10 дугаар сарын хоёр дахь долоо хоногийн “Бямба” гарагийг бүх нийтээр мод тарих үндэсний өдөр болгон зарласан  билээ.

2010 оноос хойш 4 дэхь жилдээ зохион байгуулагдаж байгаа энэхүү өдрийн хүрээнд маргааш  УИХ, Засгийн Газрын гишүүд Нийслэлийн ИТХ-ын төлөөлөгчид, нийслэлийн удирдлагууд  Үндэсний цэцэрлэгт хүрээлэнд мод тарих юм. Мөн энэ үеэр сайн дураараа мод тарих иргэд аж ахуйн нэгжүүдийн үйл ажиллагааг дэмжин Нийслэлийн төвийн 6 дүүргийн цэцэрлэгт хүрээлэн, гудамж талбайд мод тариулж, дүүрэг бүрт мод суулгацын үзэсгэлэн худалдааг зохион байгуулахаар төлөвлөөд байна.  Түүнчлэн мод тарих мэрэгжлийн зөвлөгөө өгөх сайн дурын идвэхтэн “ногоон элч”-үүд дүүрэг бүрт ажиллаж мод тарих, ургуулах тухай мэргэжлийн зөвлөгөө мэдээлэл өгөх юм байна. Нийслэлийн Байгаль орчин ногоон хөгжлийн газраас мэдээлсэнээр нийслэлийн харъяа 47 агентлагийн мод тарих үйл ажиллагааг нэтгэн зохион байгуулж зарим байгууллагууд СХД-ийн Өлзийт хороолол орчим, Нолгоон хэрэм төслийн зурваст хэсэгт мод тарих, гэр хороололд амьдардаг ажилтны хашаанд мод тарих зэргээр оролцоно гэдгээ мэдэгджээ.

Эх сурвалж: Шуурхай.мн