Хууль зүйн яамныхан цахим торгуулийн системийг нэвтрүүлэхээр шийдвэрлэж тоног төхөөрөмж нийлүүлэх тендерийг ирэх зургадугаар сарын дундуур зарлахаар болжээ.
Цахим торгуулийн системийг эхний ээлжинд Замын цагдаагийн газарт нэвтрүүлэхээр болсон байна.
Ингэснээр зөрчил гаргасан жолоочид замын цагдаа Захиргааны хариуцлагын тухай хуулиар мөнгөн торгууль ногдуулахгүй болох аж. Харин замын цагдаа нарт тараасан ухаалаг төхөөрөмжөөр торгуулийн хуудас хэвлэж өгснөөр жолооч торгуулийн хуудсанд заасан мөнгөн торгуулийг банкны дансанд тушаах юм. Хэрэв жолооч торгуулийг төлөхгүй бол хэмжээ нь өсөх, эрх нь хасагдах хүртэл зохицуулалтыг суулгаж байгаа гэв.
Цахим торгуулийн ухаалаг төхөөрөмжийг Улаанбаатарт үүрэг гүйцэтгэж буй замын цагдаа нарт 7-8 дугаар сард олгосноор цагдаа авлига авдаг, торгуулийн мөнгийг хувьдаа завшдаг үйлдэл цэгцрэх боломжтой гэж үзжээ.
Эх сурвалж: Шуурхай.мн