“Сант Марал” сангаас Монголын нийгэм, улс төр, эдийн засгийн байдлын талаар олон нийтийн санал бодлын судалгаа явуулжээ. Судалгаанд УБ хот, Архангай, Өвөрхангай, Сэлэнгэ, Төв, Хэнтий аймгийн хоёр мянган иргэнийг хамруулсан байна. 2013 оны 04-р сарын 05-21-ны хооронд судалгааг явуулжээ.

Судалгаагаар Топ 10 улс төрчийг нэрлэж, Их хурлын гишүүн С.Ганбаатар УБ, хөдөө орон нутагт хоёуланд нь тэргүүлсэн бол намуудын рейтингээр АН 22.8, МАН 21.6, МАХН 10.5 хувийн санал авсан байна.

Мөн “Топ 10 улс төрч”-ийн  тоонд Шударга өрсөлдөөн, хэрэглэгчийн төлөө газрын дарга О.Магнай багтжээ.  Тэрбээр ажлаа авмагцаа нийгэмд бухимдал болж байсан зарим шударга бус өрсөлдөөнд анхаарал хандуулж ажиллах болсон. Тухайлбал шатахууны үнийн хөөрөгдөл, найдваргүй хүнсний бараа, бүтээгдэхүүний үйлдвэрлэлт, архины далд сурталчилгаа, үүрэн холбооны компаниудтай хийсэн секундын тарифын гэрээн дээр дахин анхаарлаа хандуулах, нийслэл хотын таксины үйлчилгээний компаниудыг хэрэглэгчдийн тав тухыг хангах, тоолуурын заалт нь үнэн, эсэхийг шалган ажиллаж байгаа.

Улаанбаатарт                            Хөдөө орон нутагт
1. С.Ганбаатар                            1. С.Ганбаатар
2. Ц.Элбэгдорж                           2. Н.Энхбаяр
3. Н.Энхбаяр                               3. Ц.Элбэгдорж
4. О.Магнай                                4. Б.Бат-Эрдэнэ
5. Э.Бат-Үүл                                5. Н.Багабанди
6. Н.Багабанди                           6. Н.Алтанхуяг
7. С.Оюун                                   7. Ц.Нямдорж
8. Д.Тэрбишдагва                       8. Ч.Улаан
9. Н.Алтанхуяг                            9. Д.Тэрбишдагва
10. Х.Тэмүүжин                           10. Ө.Энхтүвшин

Эх сурвалж: shuurhai.mn