Монгол улсын ерөнхийлөгчийн зарлигаар жил бүрийн 5 дугаар сарын эхний долоо хоногийг “Үндэсний бичиг соёлын өдөр” тэмдэглэдэг билээ.

Манай үндэсний хэл бичиг болох Монгол бичиг 1000-аад жилийн түүхтэй бөгөөд 1940 он хүртэл ашиглаж байсан. Гэсэн хэдий ч 1990 оноос хойш түүх соёлоо дээдлэх үндэсний ухамсар байгаа ч нийтийг хамарсан дорвитой арга хэмжээ л бол ахиц дэвшилд хүрэхгүй байгаа. Тиймээс салбарынхан Бичиг Соёл төвийг байгуулж, Монгол бичгийн үзэсгэлэн худалдаа болон уралдаан тэмцээн зохион байгуулж Монгол бичгийг дэлгэрүүлэх үйлсд өөр өөрийн нэмрээ оруулсаар байна.

Харин өнөөдөр “Монгол хэл, бичгийн соёлын өдөр”-ийг тав дахь жилдээ зохион байгуулж байгаа бөгөөд үүнтэй холбогдуулан “Бичиг соёл” үзэсгэлэн нээлтээ хийх гэж байна.

Урчуудын эвлэлээс зохион байгуулж буй уг үзэсгэлэнд Монголын уламжлалт уран бичлэг, калиграфийг орчин үеийн урлагтай хослуулан хөгжүүлэх дэлхийд таниулах мөн Монгол хэлээрээ зөв ярих, бичдэг болоход чиглэж байгаа юм. Энэхүү үзэсгэлэнг хамрах хүрээ жил бүр өргөжиж, уран бүтээлчдийн чанар улам дээшилж байгаа бөгөөд үзэсгэлэнд сургуулийн сурагчдаас эхлээд мэргэжлийн уран бүтээлчид зэрэг бүх насныхан хамрагдах боломжтой юм байна.

Эх сурвалж: shuurhai.mn