“Киви” хамтлагийн ахлагч, дуучин Укаг урлагийнхан чадварлаг стилист хэмээн үнэлдэг. Гэвч чадварлаг стилистийн мэдрэмж алга болов уу, яав? Тэрбээр өнгөрсөн долоо хоногт болсон “Mongolian Music Awards” наадмын улаан хивсний ёслолд хачин загварын даашинзаар гангарав. Даашинз гэхэд хэцүүхэн, зарим хүмүүсийн хэлж буйгаар “шуудай”. Тэрбээр хар өнгийн савхин юм шиг,урт бөмбөгөр хумигдсан хормойтой даашинз өмсч, дундуур нь нарийн бүс бүсэлсэн нь түүнийг яг л шуудай углааж бүсэлчихсэн юм шиг л харагдуулж байв. Дээр нь бас болоогүй ээ, нүүрээ хар тороор бүрхсэн нь түүнийг улам ч загварын мэдрэмжгүйг илтгэж байлаа. Харин хамтлагийн гишүүн Агий түүний хажууд хамаагүй цэвэрхэн, хувцаслаж, дажгүй харагдаж байсныг хэлье. Ука энэ даашинзаа Fun Fearless Female Awards-2011″ наадамд оролцохдоо ч өмссөн байна.