Ганц удаа хариуцлагагүй мэдэгдэл хийсэн гэж Японы Ерөнхий сайд огцордог. Гэтэл Монголд хааж нуусан бүхэн нь илрээд байхад ч хараагүй, мэдээгүй юм шиг парламентчид нь “ширэн” нүүрлээд сууж байх нь энэ.

933 төгрөгийн нэрлэсэн унэтэй “Эрдэнэс Тавантолгой”-н хувьцаа иргэдийн гарт хэзээ хүрэх вэ.

Та “Эр хүний 13 мэх” эж дуулснаас биш 933 заль гэж сонсоогүй биз. УИХ-ын сонгууль дөхөхөөр л элдэв бусын амлалт өгч баахан ший жүжиг тавьдаг болохоор шаргал ордны “оршин суугчид”-ын чадварыг ийн үнэлж болох юм. Яагаав, өнгөрсөн парламентын сонгуулиар иргэн бүртээ хувьцаа тараана, тэр нь 933 өгрөгийн үнэтэй 1072 ширхэг байна гээд л бурсныг  та бүхэн санаж байгаа биз. Уг нь 2008 оны сонгуулиар иргэн бүрт МАН нэг сая, АН 1.5 сая төгрөг тараах юм болсон ч сүүлдээ ийнхүү зөвхөн хувьцаа болж таарсан билээ.

“Эрдэнэс Тавантолгой”-н хувьцааны үнийг анх зарлахад цахим ертөнцөөр “”Роснефть”,” Юкос”-ын хувьцааны ханшийг В.Путин, Д.Медведев хоёр бодож гаргаад байна уу BOC-ийн хувьцааг Ху Жинтао бодож гаргаж байна уу” гэх шог яриа тараад байсан юм.

Уг нь энэ хувьцаа иргэдийн дансанд орсноор монголчууд катарчуудаас дутахааргүй бүгдээрээ тансаг харшид амьдрах чинээний баян болно гэж засаг амлаж байв.

Энэ мэтчилэн том Тавантолгойн үнэт цаасны ханш хэдэн мянган “ногоон” байх тухай иргэдийн хүлээлт рүү Засгийн газар ийнхүү “ус цацсан” юм. Тиймээс нэгэнт төрд гарах гэж иргэн Нямын амлалтыг УИХ-ын гишүүд авсан л бол сая төгрөгөө ч тараагаад хувьцаагаа ч өгөх учиртай гэж олон нийт харж байна. “Иргэддээ өгөх 1072 хувьцаагаа нэг сая төгрөгтөө хуваагаад сонгуулийн амлалтаа биелүүлсэн нэр зүүж байна” гэж “Монгол 999 Үндэсний нэгдэл”-ийн ТУЗ-ын дарга Л.Ариунболд хэллээ. “Нүглийн нүдийг гурилаар хуурах” гэгчээр амлалтаа “хулгай”-гаар солилоо. Яагаад гэхээр, нэгэнт иргэдэд хоёр нам мөнгө амласан уу, амласан. Нийлээд 2,5 сая төгрөг өгнө гэж томроод эцэст нь бөөрөнхийлсөөр ийн хувьцаан дээр буусан хэрэг.

Өөрөөр хэлбэл, Засгийн газар “Эрдэнэс Тавантолгой” компанийн нийт хувьцааны 20 хувийг иргэддээ үнэгүйгээр олгохоор шийдвэрлэсэн нь нэг сая Төгрөгөө бэлнээр авч эхэлсэн хөгшид, хөгжлийн бэрхшээлтэй иргэд, оюутны сургалтын төлбөр болох 500 мянган төгрөгийг төрөөр хоёр жил төлүүлсэн оюутнуудаас бусдад нь хамаатай зүйл болж таарсан юм.

 Ганц удаа хариуцлагагүй мэдэгдэл хийсэн гэж Японы Ерөнхий сайд огцордог. Гэтэл Монголд хааж нуусан бүхэн нь илрээд байхад ч хараагүй, мэдээгүй юм шиг парламентчид нь “ширэн” нүүрлээд сууж байх нь энэ.

ЭХ СУРВАЛЖ: ЗУУНЫ МЭДЭЭ