Манай улс нэг хүнд ног­дох эмч, эмнэлгийн үйл­­­чил­гээгээр олон улсад доогуур бичигддэг. Гэ­тэл энэ сул талыг бизнес сэтгэлгээ нь хэт хөгжсөн зарим хүн олж хараад, мөнгө олох уурхай болгоод байна.
Ялангуяа  улстөрчид  эмнэ­лэг барина, эмч авч ирнэ гэж амлаад сонгуульд ялж гарч ирсэн.
Тухайлбал, МАН-ын ги­­шүүн байсан Д.Арвин хатаг­тайн “Их өр­гөө” ХХК 2011 онд Баян­зүрх дүүрэгт байрлалтай III амаржих газ­­рыг барихаар тендерийн ажлыг нь авсан тухай бид өмнө нь мэдээлж байсан.
Гэтэл өдгөө шинэ амар­жих газар ашиглалтад орох нь бүү хэл барилгын ажил нь зогссон талаар гуравдугаар төрөхийн эмч ажилчид ярьж байна.
Уг нь өнгөрсөн жил ашиг­лалтад орох ёстой байсан 150 ортой төрөх эмнэлгийн барилгын мөнгийг “Их өр­гөө” компани хоёр жи­лийн өмнө авсан байдаг. Энэ компанийг эмнэлгийн тендерт ямар шалгуураар хэр­хэн сонгож, ялуулсан нь тодорхойгүй. Тэгээд ч уг тендерт өрсөлдсөн гэх ком­паниудын мэдээлэл ч тун хомс байдаг юм билээ.
Харин зарим баттай эх сурвалжийн хэлж буй­гаар төсвийн хөрөнгөөр бариг­дахаар болсон уг барил­гын урьдчилгаа болох гур­ван тэр­бум төгрөгийг тус ком­панийн данс руу шил­жүүлж байсан аж.
Гэтэл эмнэл­гийн барил­гын суурийг цутгаж орхиод ба­рилгын ажлыг зогсоосон байна.
Д.Арвин хатагтай Хэн­тий аймгаас гурван удаа да­­раалан УИХ-д сонгогдож байсан нэгэн.
Энэ нутгаас дахин сон­гогдох   шансгүй  болсон эрхэм гишүүн гэнэт л  өн­гөр­­сөн  оны  сонгуулиар Баян­зүрх дүү­рэгт  нэр  дэв­ших болсноор тус тойргийн ард иргэдэд хайр зарлаж “Та бүхнийгээ тун удахгүй ши­нэ амаржих газартай бол­гож өгнө” хэ­мээн молиго үм­­хүүлж ялалт байгуулснаар энэ түүх эхэлдэг.
Баянзүрх нь нийслэлийн хамгийн  их  хүн амтай дүү­рэгт  тооцогддог.  Суурьш­мал ир­гэд нь  320 мянгад хүрч бай­гаа энэ дүүргийн хам­гийн тулгамдсан асуудал нь төрөх эмнэлэг байх нь тодорхой.
Товчхондоо 2011 онд сүр дуулиантайгаар шаваа тавьж, томоос том самбар дээр 2012 оны гуравдугаар сард гүйцэтгэлийн ажлаа дуусгахаа зарласан III тө­рөхийн  ажил жил тойроод ойн дээрээ ирэхдээ таг чиг болсон нь энэ.
Барилгын нийт төсөвт өртөгийг 2011 онд есөн тэр­­бум 44.4 сая төгрөг бай­сан байна. Харин 2012 онд долоон тэрбум 498 сая төгрөгийг нэмж хийсэн аж.
Тухайн үед төрөх эмнэлэг барих асуудлыг Засгийн газ­раар дэмжүүлэхэд маш ихээр хүчин чармайлт гар­гаж байсан хүн нь Д.Арвин гишүүн гэсэн. Тийм­дээ ч  III төрөхийн барилгын тен­дерийн ажлыг ногоон гэрлээр авсан гэсэн үг.
Харамсалтай нь, “Их өргөө” компани барилгын суурийн талыг тавьсан тө­дийхнөөр энэ ажлыг дуус­гах нь бололтой.
Түүнч­лэн ашиглалтад орох байсан жилдээ да­хин тендэр зарлаж, “Цам­хаг констракшн” гэх ком­паниар барилгын ажлыг  гүйцэтгүүлэхээр болж төрөх эмнэлгийн барилгын ажил өдгөө үлгэн салган ажиллаж байгаа юм.

Гарын үсэг зуруулж баталгаажуулаагүй байхад нэг тэрбум төгрөг дансанд байршуулсан

Ингээд III амаржих газ­­рын эмчилгээ эрхэлсэн ерөнхий эмчээс барилгатай холбоотой асуудлыг тод­руу­лах гэсэн боловч нэлээд цааргалсны эцэст дараах зүйлийг ярилаа.
Тэр­бээр  “Энэ асуудлаар ярихад их төвөгтэй. Ха­маа­гүй зүйл  ярьж байж асуудалд орох вий гэж айдаг болсон.
Шинэ амаржих газрын барилгын ажлыг “Их өргөө” ХХК хийхээр болсон гэсэн. Бид шинэ амаржих газартай болох нь гэж их л баярлаж байсан. Гэтэл өнөөг хүртэл эмнэлэг  ашиглалтад  орох­гүй байх юм. Бараг худалч хүнд өглөө болгон шинээр босох гэж буй эмнэлгийнхээ дүр зургийг очиж хардаг.
Анх бол барилгын ажил 2011 онд эхэлж бай­сан. Харин барилгыг өнгөр­сөн оны гуравдугаар сард хү­лээлгэж өгөх ёстой бай­сан юм. Бид нэг зүйлийг их гайхдаг 2011 оны ма­най дансанд нэг тэрбум төг­рөгийн санхүү­жилт хий­сэн гэдэг.
Гэтэл манай нягтлан бид хоёр энэ их мөнгийг орсон эсэхийг ч мэдэхгүй. Бүр гарын үсэг зуруулж баталгаажуулаагүй байхад дээрх нэг тэрбум төгрөг дан­санд байршуулсан гэдэг нь их сонин.
Барилгын суурийн цут­галтыг нэг тэрбум төгрөгөөр хийсэн гэдэг юм билээ. Товч­хондоо манай сан­хүү­гийн дансанд нэг тэрбум төгрөгийн үнэтэй суурийн цутгалт байна гэсэн үг.
Үүнийг л бид ойлгохгүй бай­гаа  юм даа. Анх бол төрөх эмнэлгийн барилгын төсөв нь 15 тэрбум төгрөг байсан гэсэн. Үүнээс л нэг тэрбум төгрөгийг нь авч барилгын суурийн цутгалт хийж дээ гэж ойлгож байгаа. Үүнээс өөр зүйл ярих дэмий байх” гэлээ.
Эмнэлгийн удирдлагын ярьж буйгаар төрөх эмнэ­лэг­тэй холбоотой асууд­лаар хамаагүй ярихаас айдаг бололтой.
Мөн бид Нийс­лэлийн хө­рөнгө оруулалтын газр­ын хяналтын инженер Алтантуяагаас асуухад “2011 онд гуравдугаар тө­рөхийн барилгын ажлыг гүй­­­цэт­­гэлүүлэхээр суурийн цутгалтын төсөв гэж нэг тэр­бум төгрөгийг “Их өргөө” ХХК-ийн данс руу шил­жүүлсэн” гэв.
Тэгэхээр   дээрх  албаны хү­мүүсийн  ярианд дурдаг­даж  буй  нэг  тэрбум төг­рөгөөр зөвхөн барилгын  суурь цут­гаж  ганц давхар хийхэд тэр их мөнгийг зар­цуулсан уу гэдэг нь ха­чир­­халтай.
Ямартай ч түү­­ний энэ хударгагүй зан нь өнгөрсөн оны сүүлээр илэр­сэн.
Тэрбээр МАН-ыг ид ман­­даж явах үед нь миний хайртай нам гэж бусад сө­рөг хүчнүүдтэй нэлээд хэл ам хийдэг  байсан.
Гэ­тэл  өнгөрсөн онд на­­маа сон­гуульд цөөнх бо­лоход  хаяж, АН-ыг сон­го­сонд түүнийг мэддэг  олон хүн   “III тө­рөхийн тендерээс авсан мөн­гөө дарахын тулд АН-д ги­шүүнээр элслээ” хэмээн ярьж байсан.
Товчхондоо өөрийн биз­несээ хамгаалахын тулд Баян­­зүрх дүүргийн төрөх эмнэл­гийг залгисан нь түү­нийг эх хүн, эмэгтэй хүн гэж хэлэхэд тун хэ­­цүү.
Түүнчлэн өөрийгөө Дон­дог­дулам хатны хойд дүр хэмээн мөнхөлсөн энэ хатаг­тайд хүн чанар гэж байна уу. Д.Арвины шу­наг сувдаг сэтгэлээс болж III төрөхийн хувь заяа хэрхэх бол гэдэг эргэл­зээтэй асуудал үүсч байгаа.
Юутай ч Засгаас төсөв­лөсөн нэг тэрбум төг­рөгийн ялыг хатагтай Д.Арвинаас асуувал зохилтой. Мөн суу­рийнх нь цут­галтад л тэрбум  төгрөг орсон III төрөх ашиглалтад орох болов уу, яах бол Д.Арвин гишүүн ээ.

Эх сурвалж: Өглөөний сонин