Жүжигчин Э.Ууганбаяр тайз, дэлгэцийн олон бүтээлд дүрээ мөнхөлсний дийлэнх нь шалиг, хүүхэмсэг эрийн дүрүүд байдаг. Тэрбээр энэ төрлийн дүрийг ихэд чадварлаг гаргуун бүтээдэг гэж болно. Тиймээс түүнийг бодит амьдрал дээрээ ч бүтээсэн дүр шигээ шалиг залуу байх гэж боддог үзэгчид цөөнгүй байдаг. Жүжигчин залуу өөрийн бүтээсэн шалиг залуугийн дүрүүддээ ихэд сэтгэл хангалуун байдаг бөгөөд дараах тайлбарыг өгчээ.

“Би угаасаа нас яваад ирэхээр хүссэн хүсээгүй аавын дүрд, өвгөний дүрийг бүтээнэ. Мөн сүүтэй цайны рекламанд тоглоно. Тэр үед хэчнээн хүссэн ч хүүхэмсэг, бүсгүйчүүдийн толгой эргүүлсэн шалиг залуугийн дүрд тоглож чадахгүй. Тиймээс би хүүхэмсэг эрийн дүрд тоглохдоо дуртай” гэсэн юм. Мөн уран бүтээлчид өөрийг нь шалиг залуугийн дүрд тоож тоглуулж байгаад тун баяртай бай гэсэн шүү.

Эх сурвалж http://www.info.mn