Увс аймгийн улаангом сумын харьяат БХИС, “Монгол керамик” компаний бөх улсын харцага Ө.Бат-Оршихыг урилаа

 -Тийм ээ, бөхчүүд бид чинь байнгын бэлтгэл сургуулилттай байх ёстой гэж боддог.

 -Амжилтад хүрэхэд хувь хүний зан чанар их нөлөөлдөг гэдэг…

-Ямар ч хүн өөрийн хүссэн, зорьсон зүйлийнхээ төлөө хөлс хөдөлмөрөө бүрэн зориулдаг байх хэрэгтэй. Би тэдний л нэг, тэгэхээр хэн их хөлс хүч зарж хөдөлмөрлөж байна, тэр бөхийг бөхийн дэвжээ хардаг, ивээдэг байхаа.

 -Багшийн эрдэм шавиас гэдэг, гарын багштай юу?

-Хотод ирээд БХИС-д ороход аймгийн арслан Дашпүрэв, улсын начин Ж.Чулуун багш нар маань тосч авсан. Бас нэг үе “Алдар” спорт хороонд Ч.Өвгөнхүү харцагын удирдлага дор бэлтгэл хийж байлаа. Одоо бол Увс нуур галынхаа том цолтнуудаас суралцаад явж байна.

 Хэдэн оноос БХИС-аар овоглож явна?

-Би 2003 онд БХИС-д оюутан болоод 2007 онд төгссөн. Түүнээс хойш төрөлх сургуультайгаа холбоотой өдий хүрч байна даа.

 -Танд ар гэрийн амьдрал ахуйгаа зохицуулах цаг зав хэр гардаг вэ?

-Яг бэлтгэл жигдэрчихсэн үед ар гэртээ цаг зав гаргах нь ховор болдог. Ар гэртээ анхаарал тавьж, ажил төрөл, бэлтгэлээ зохицуулаад л явахыг хичээдэг. Манай гэр бүлийн хүнийг О.Чинцэцэг гэдэг. Ер нь миний амжилтад ханийн минь нөлөө их байдаг шүү.

 -Тогоонд нь чанагдаад явж байгаа бөх хүний хувьд бөхийн дүрэм, барилдааны үед засч залруулмаар, хэлж яримаар зүйл байдаг уу?

-Бөхчүүд маань дүрмээ мэддэг болохоор дүрмийнхээ дагуу барилдаад сурчихаж. Тийм болохоор энэ нь, тэр нь болохгүй байна гээд байхаар зүйл алга. Бөхчүүд маань жудагтай шударга байж, бөхөө сонирхдог, дээдэлдэг Монгол түмэн маань бөхчүүд рүүгээ хогоо шиддэггүй л байгаасай гэж хэлмээр байна.

-Шударгаар хүч үзэж, биеэ зөв авч явбал тэр чинь өөрөө жудаг юм.

Танд спортын өндөр амжилт хүсье.