Д.Энхбат намаасаа ч гараад, 144 саяын өрөнд ч ороод гуларч явна 2009 онд, Улс төрийн намын тухай хуулийн 19.1-ийн

“УИХ-ын сонгуулиар намын авсан нэг саналыг 1000 төгрөгеер тооцож, УИХ-д суудал бухий намд төр нэг удаа мөнгөн дэмжлэг үзүүлнэ” гэсний дагуу УИХ-аас Иргэний эвсэлд 146 сая төгрөгийн дэмжлэг олгосон гэх мэдээлэл байдаг.

Монголын Ногоон нам (МНН) тэр үед Иргэний эвсэлд багтаж байсан юм. Гэтэл өдий хүртэл, тэрхүү дэмжлэгийн талаар тодорхой мэдээлэл МНН-д байхгүй байсаар иржээ. Яг хэдэн төгрөгөөр дэмжсэн (143 сая, 153 сая гээд янз бүрээр яригддаг), хэдэн саналд тооцон мөнгө олгосныг ч МНН-ынхан мэддэггүй аж. Тэрхүү дэмжлэгийг УИХ-ын дарга асанД.Дэмбэрэл Иргэний эвслийн тэргүүн асан Д.Энхбатын ХААН банкны хувийн данс руу шилжүүлсэн юм байна.

Үүнээс үүдэн, тус дэмжлэгээс МНН-ын уйл ажиллагаанд мөнгө зарцуулагдаагүй гэгдэж байна. МНН-ын үйл ажиллагаанд зарцуулагдсан гэх баримт үгүй аж. Дэмжлэгээс 30 саяыг Иргэний хөдөлгөөний намд, 10 саяыг Монголын социал-демократ намд өгсөн гэж дуулддаг байна. Үлдсэн мөнгө хаачсан нь тодорхойгүй, алга болсон гэнэм. МНН-д дэмжлэгээс юу ч ирээгүй аж. МНН-ын тайлан балансад дэмжлэгээс авч зарцуулсан мөнгө тусгагдаагүй байна.

“Энэ бол МНН-д учирсан бодитой хохирол юм. Төрийн зүгээс алдаа гарган, УИХ-ын дарга асан Д.Дэмбэрэл төрийн мөнгийг хувийн дансанд шилжүүлж ийм хохирол учрахад хүргэжээ. Тиймээс, УИХ, төр МНН-ын авах ёстой, хууль ёсны төрийн дэмжлэгийг олгуулах асуудлыг шийдвэрлэн, хохирлыг барагдуулж өгнө” гэж МНН-ынхан үздэг байна. Зохих байгууллагуудад ч хандаад эхэлжээ. Намаасаа хөөгдсөн гэж яригдаад байгаа Д.Энхбатын үед хүнд бэрх цаг эхлэв бололтой. Тэр мөнгө түүнээс мөн нэхэмжлэгдэх магадлалтай. Мөн мань хүнийг ИЗ-НН-д МНН-ын мөнгийг авч очиж, “инж” болгон өгсөн гэж харддаг. ИЗ-НН-аас ч мөнгө нэхэмжлэгдэх магадлалтай болоод байгаа юм.

ЭХ СУРВАЛЖ: АЛАГ ХОРВОО