Автомашины урсгалын ачааллыг сийрэгжүүлэх гэж улсын дугаарыг алаглан үзсээр хэдэн cap өнгөрлөө. Амин чухал ажилтай байсан ч автомашинаа нэг өдөр “амраасаар” бид хувь заяатайгаа эвлэрчихсэн. Тэгсэн ч “улсын урсгал” нэг л урагшилж өгөхгүй байгаа нь олон шалтгаантай.

Үүнийг “1111 УНГ” улсын дугаар хоёр байгаагаар жишээлж болно. Өөрөөр хэлбэл, нэг дугаартай хоёр “том гарын” автомашин байна. Нэг нь “Номин Талст” хамтлагийн дуучин Т.Хангэрэл буюу Хаазаа “Бэнз Жи500″ маркийн харин нөгөөх нь “Лексус 570″ маркийн машин хөлгөлдөг аж.

Харин нэг дугаартай хоёр машин түгжрэл дунд “учран золгосноор” асуудал үүссэн юм. Энэ дагуу хоёр автомашиныг шалгахад дуучин Хаазаа гурван жолооны үнэмлэхтэй нь тогтоогдсон байна. Улсын дугаар нь өөрийнх нь гэдэг нь батлагдсан ч асуудал намжсангүй. Учир нь дуучин залуу хувийн нууцыг олонд тараасан хэргээр Замын цагдаагийн газрын хурандаа С.Энхтөрийг шүүхэд өгчээ. Түүний хэлснээр “Намайг сайт, хэвлэл мэдээллийн хэрэгслээр олон өдөр мууллаа. Тангараг өргөсөн цагдаа хүн хувийн нууцыг задруулж болохгүй. Би хоёр жолооны үнэмлэхтэй. Хариуцлагаа хүлээнэ” гэх
юм.

Харин Т.Хангэрэл юуг хувийн гэж хэлснийг мэдэхгүй юм. Замын цагдаагийн газар олон нийтийн сүлжээ хурдтай өсөж буйтай уялдуулан мөн иргэн төвтэй ажиллаж эхлээд удаж байна. Тиймээс иргэдээс зөрчлийн мэдээлэл авч үүнийхээ хариуд ямар арга хэмжээ авснаа нийтэд дэлгэдэг. Энэ нь ч зүйн хэрэг юмдаг.

Тэгтэл үүнийг мань хүн хувийн нууц гэж үзлээ. Тиймдээ ч хуулийн мэдлэг муутай жирийн иргэн надаар үлгэр жишээ ав ухааны юмыг олон нийтийн хэрэгслээр ярьж явна. Харин бид дугаар олголт болоод дуучныг тойрсон маргааныг олон талын өнцгөөс дэлгэрэнгүй хүргэх болно.
Б.Ширнэн

Эх сурвалж: “Нийгмийн толь” сонин