Хууль зүйн сайдын тушаалаар Хууль сахиулахын их сургуулийн бүтэц орон тоог баталсантай холбогдуулан тус сургуулийн захирал, цагдаагийн хурандаа Р.Чингисийн санал  болгосноор Хууль зүйн сайд Х.Тэмүүжин сургуулийн тэргүүн дэд, дэд захирлыг томилжээ.

Хууль зүйн салбарын ирээдүйн боловсон хүчнийг бэлтгэдэг тус сургуулийн Эрдэм шинжилгээ эрхэлсэн тэргүүн дэд захирлаар Монгол Улсын гавьяат холбоочин, удирдахуйн ухааны доктор, хурандаа Ц.Цэрэндорж, Сургалт эрхэлсэн дэд захирлаар хууль зүйн ухааны доктор, цагдаагийн хурандаа Г.Гантөмөр нарыг тус тус томилсон байна.

Мөн Хууль зүйн сайдын тушаалаар тус сургуулийн бүтэц орон тоог баталсантай холбогдуулж, захирлын тушаалаар Захиргаа удирдлагын газрын даргаар цагдаагийн хурандаа Д.Амарсайхан, Цагдаагийн сургууль (хуучнаар Цагдаагийн академи)-ийн захирлаар  хууль зүйн доктор, цагдаагийн дэд хурандаа Н.Ганбадрал, Хилийн сургууль (хуучнаар Хилийн цэргийн дээд сургууль)-ийн захирлаар цэргийн ухааны доктор, хурандаа Ц.Ганболд, Шүүхийн шийдвэр гүйцэтгэлийн сургуулийн захирлаар хууль зүйн доктор, хурандаа Н.Гантулга, Онцгой байдлын сургуулийн захирлаар хууль зүйн доктор, хурандаа П.Баттогтох, Удирдлагын сургуулийн захирлаар хууль зүйн доктор, цагдаагийн хурандаа Б.Бат-Эрдэнэ, Ерөнхий эрдмийн сургуулийн захирлаар цагдаагийн дэд хурандаа Д.Батбилэг, Ахлагчийн сургуулийн захирлаар цагдаагийн хурандаа Г.Ганбаатар нар томилогдлоо.

Эх сурвалж: Шуурхай.мн