УИХ-ын гишүүн Н.Номтойбаяр чуулганы танхимд амьсгаадсаар орж ирэв. УИХ-ын дарга түүнээс:
-Та Их хурлын чуулганы хуралдаанаас яагаад хожимдов?
-Ашгаа нэмэгдүүлэхийн тулд бүтээгдэхүүнийхээ үнийг өсгөхөөр компани дээрээ шийдчихээд ирлээ.
-Одоо чуулганаар ямар асуудал хэлэлцэх юм бэ.
-Ард түмний амьдрал хүндэрсэн тул үнийн талаар ярилцах гэнэ.
-Энэ талаар та ямар нэг санал гаргах уу.
-Иргэд өдөр бүрийнхээ талхыг заавал цалингаа хүргэж авч иднэ гэсэн хуучинсаг ойлголтоосоо салах хэрэгтэй. Үнийг нь дийлэхгүй байвал лизингээр авч болно шүү дээ. Төр иргэдээ гэдэг юм бол банкны хөнгөлөлттэй зээл зохион байгуулж , тэдэнд олгон, түүгээрээ талх авч болно. Манай компани ч ард түмнээ бодож, хашаа байшинг нь барьцаалаад зээлээр талх олгохоор төлөвлөж байгаа.