Нэгэн цагт улс төрд бие биенээ дэмжин, хаа ч явсан хэн нэгнээ магтан, мандуулж явсан журмын нөхөд өнөөдөр хоёр тийшээ харалцаад зогсохгүй, хууль хяналтын байгууллагад шалгуулж байна. Олны нүдэн дээр болж өнгөрсөн үйл явдал хойно энэ эрхмүүдиин өөрсдиин нөхөрлөлөө мартсан байг гэхэд ард түмэн юунд мартах билээ.

Н.Энхбаяр Монгол Улсын Ерөнхий сайд байхдаа Ц.Нямдоржийг ХЗДХ-ийн сайдаар томилж, “Нямдорж бол “хатуу самар”, хуулийг түүн шиг мэдэх хүн байхгүй, түүнийг хэлж байгаа үг бүрийг хууль мэт сахих хэрэгтэй” гээд л, Ц.Нямдорж нь “Монгол Улсыг авч явах хүн бол Н.Энхбаяр, тэр ганцаараа Монголын лидер улстөрч, түүн шиг арвин туршлагатай, улс төрд хат суусан, ноён нуруутай улстөрч байхгүй” гээд л Ерөнхийлөгчийн сонгуулийн үеэр сонин, телевизээр ярьж, ард түмэндээ ухуулж байсан цаг саяхан.

Гэтэл өнөөдөр Ц.Нямдорж Н.Энхбаярыг Улсын Ерөнхийлөгч, Үндэсний аюулгүй байдлын тэргүүн байхдаа үймээний үеэр Онц байдлыг зарлахдаа алдаа гаргаж, хүний амь эрсдүүлсэн” гэх “Долдугаар сарын нэг”-ний хэрэгт холбон хуулийн байгууллагад шалгуулж байгаа бол Н.Энхбаяр, Ц.Нямдоржийг авлигын хэрэгт холбогдуулан шалгуулж өгөхийг баримт дэлгэн мэдэгдэж байна.

Эр улс сайдаж муудаж, нударга зөрүүлэхийг алийг тэр гэхэв. Гэхдээ улс төр дэх энэ нөхөрлөлийн ан цав нь нь хуулийн байгууллагаар шийдвэрлүүлэх хэмжээнд хүртлээ өсөрхөлцөөд байгаа юм.

МАХН-ын дарга Н.Энхбаяр мэдэгдэл хийж, ХЗДХ-ийн сайд Ц.Нямдоржийг Гэр бүлээрээ төрд ажилладаг гэж хэлдэг ч Ц.Нямдорж Туул голын орчим, Чингэлтэй дүүргийн 18 дугаар хороонд саяар үнэлэгдэх ам.долларын хаустай гэх зэргээр баримт сөхөн ярьж, ATГ шалгуулах хэрэгтэй гэдгийг мэдэгдээд байгаа билээ. Үүнтэй холбогдуулан ХЗДХ-ийн сайд Ц.Нямдоржоос зарим зүйлийг тодруулсан юм.

-Н.Энхбаяр дарга тантай холбоотой мэдэгдэл гаргасан байна. Та үүнд ямар байр суурьтай байна вэ?
-Цагдаа, прокуророор Н.Энхбаяртай холбоотой хэрэг шалгагдаж байгаа гэсэн. Хэвлэх үйлдвэрийн хувьчлал, “Өргөө” зочид буудалтай холбоотойгоор шалгуулж байгаа юм билээ. Тэгээд хэд хэдэн удаа дуудаж мэдүүлэг авах гэхээр өгөөгүй. Ирэхгүй болохоор нь албадан ирүүлэх шийдвэр гаргаад, прокурор нь зөвшөөрсөн байна лээ.

Ийм байдалтай шалгуулж байгаа юм билээ. Н.Энхбаяр үүнтэй холбогдуулж л янз бүрийн юм ярьж байх шиг байна. Ц.Нямдорж үүнийг зохион байгуулж байна гэсэн хардлага байх шиг байгаа юм. Надад хүнийг албадан ирүүлэх, материал бүрдүүлэх эрх байхгүй.

ХЗДХ-ийн савдад ийм эрх байдаггүй. Энэ бол прокурорын хяналтын дор явагддаг ажил. Улс төрийн зорилготой мэдэгдэл хийсэн юм уу гэж надад бодогдоод байгаа юм. Намайг зайлуулчихвал Н.Энхбаярын шалгагдаж байгаа хэрэг нь хаагдана гэж бодоод байх шиг байна.

Н.Энхбаяр намайг байсан ч, байгаагүй ч миний оролцоогүйгээр шалгагдана. Үнэн зүйл гавэл энэ хоёр барилга хууль бусаар хувьчлагдсан. Тиймээс хууль, хяналтын байгууллагаар шалгагдаж байна. Харамсалтай нь хууль бус хувьчладд оролцсон хүмүүсээс нэг сэтгүүлч хоёр, гурван cap хоригдлоо, хоёрын зэрэг хүний бие хөнгөн зэргийн харвалтад орох шиг боллоо.

Ийм л зүйл болсон байна. Түүнээс биш би зохион байгуулалттайгаар шалгуулаад, хүн баривчлуулах гээд байсан зүйлгүй. Энэ миний оролцоогүйгээр явагддаг ажил. Ийм байдлаар улстөржүүлээд, хариуцлагаас мултрах гэсэн арга ядсан арга гэж хэлмээр байна.

-Та хауснуудынхаа талаар мэдээлэл өгөхгүй юу?
-Би түрээсийн байранд амьдардаг гэдгээ хөрөнгө орлогын мэдүүлэгтээ биччихсэн. Манай хүүхдүүд зэзл авч байшин барьж байгаа гэдгээ хөрөнгө орлогын мэдүүлэгтээ бичсэн. Надад хаус байхгүй ээ.

-Та Н.Энхбаяр даргыг таны талаар мэдэгдэл хийснийх нь дараа баривчлуулах гээд хүмүүс явуулсан гэж байсан?
-Би хүн явуулдаг юм биш. Энэ бол прокурор, цагдаагийнхны хийдэг ажил. Надад эрүүгийн хэргийн талаар аливаа шийдвэр гаргах, чиглүүлэх эрх байхгүй.

-Таны хувийн хаусыг барьж байсан хоёр хоригдол амиа алдсан тухайд?
-Манай ШШГЕГ-ынхан Ш.Сайхансамбуугийн “Нарантуул” захын урд талд 10 давхар орон сууц барьж байгаа. Энэ барилгыг барьж байхад харамсалтай явдал болж нэг хоригдол нас барсан нь үнэн. Харин миний хувийн хаус мэт худал цуурхал тарааж байгаа юм.

Н.Энхлэн
Эх сурвалж: “Улаанбаатар таймс”