АНУ-аас ирсэн даруйдаа шинэ цомог, тоглолтоор фэнүүдээ “бөмбөгдөж” байсан “Sweetymotion” хамтлагийнхан саяхан 15 жилийн ойн тоглолтоо нүсэр тэмдэглэсэн. Олон олон гэнэтийн бэлэгтэй энэхүү тоглолтын уур амьсгал өдгөө ч намжиж амжаагүй байгаа гэхэд хилсдэхгүй биз ээ. Харин тус хамтлагийн продюссер Б.Чинбат, дуучин Ц.Сарнай нар Ч.Мишээл хэмээх хөөрхөн охинтой болсоныг олон хүн мэдэх. Харин “Sweetymotion” хамтлагийн дуучин Сүндэрмаа найз залуутай болж өнөө маргаашгүй гал голомтоо бадраах сурагтай байгаа. Тэгвэл өв тэгш бие хаа, гоо үзэсгэлэн хийгээд хоолойн чадлаараа бусад охидын хамтлагаас эрхгүй ялгардаг “Sweetymotion”-ы гурван бүсгүйн нэг нь буюу дуучин Э.Ганболор өнөөг хүртэл “Single” яваа.  Уг нь дуучин Э.Ганболор 15 жил дуртай зүйлээ хийсэн болохоор одоо гэр бүл зохиож, ээж болоход бүх талаараа бэлэн болсон гэдгээ ярилцлагадаа дурьдаж байсан.  Тэрээр нэгэн Америкт эртэй багагүй хугацаанд үерхсэн бөгөөд Монголдоо суурьшихаар шийдсэн тул хоёр тийш болсон  гэдэг.  Харин түүнийг Монголд байхдаа хөтлөгч Ганбаяртай үерхдэг байсныг хүмүүс мэднэ. Ингэхэд энэ царайлаг бүсгүй бага зэрэг майга хөлтэй залуусыг  таалдаг гэнэ лээ. Тэгэхээр үл ялиг майга эрчүүдэд боломж байгаа бололтой шүү. Урагшаа залуусаа.