Хүүхдийн төлөө газраас жил бүр уламжлал болгон зохион байгуулдаг “Хос багана” нийслэлийн шилдэг гэр бүл шалгаруулах ёслолын ажиллагаа өнөөдөр боллоо.

Энэ жилийн шилдэг гэр бүлийг 9 номинацаар шалгаруулсан байна. Тодруулбал  “Спортлог шилдэг гэр бүл”-ээр МУ-ын Хөдөлмөрийн баатар, гавьяат тамирчин Х.Цагаанбаатар О.Гүндэгмаа нарын гэр бүл шалгарсан бол “Урлагийн шилдэг гэр бүл”-ээр Хүмүүнлэгийн элч дуучин О.Анхбаяр, Б.Халиун нарын гэр бүл шилдгээр шалгарсан байна.

Харин Төрийн зүтгэлтэн гэр бүлээр Баянгол дүүргийн иргэн Б.Нямаа эхнэр Ч.Бадамгарав нарын гэр бүл шилдгээр тодорсон бол “Ёс билгийн дээдлэгч гэр бүл”-ээр Сонгинохайрхан дүүргийн Ж.Батсуурь, Д.Оюунчимэг, -Бүтээлч гэр бүл”-ээр Багахангай дүүргийн Ц.Батмөнх, Б.Оюунцэцэг,” Манлайлагч гэр бүл”-ээр Налайх дүүргийн Ч.Хуягбаатар, О.Уранчимэг,” Өнөр гэр бүл”-ээр Баянгол дүүргийн И.Батаа, Б.Гурганжав,” Хүмүүнлэг гэр бүл”-ээр Баянзүрх дүүргийн Н.Өвөг, А,Цэрэндулам, “Оюунлаг гэр бүл”-ээр Сүхбаатар дүүргийн Н.Түгжсүрэн, Р.Төмөрбаатар нар тус тус шалгарлаа.

Г.Гэрэлт