Төрийн тусгай албан хаагчдын нэгдсэн эмнэлгийн барилгыг шүүх, прокурорын байр болгох шийдвэрийг салбарын сайд Х.Тэмүүжин гаргасан цагаас эхлэн энэ сэдвийг тойрсон маргаан улам хүчтэй өрнөсөөр байна. Түүний тайлбарлаж буйгаар гэмт хэргийг шинжлэх ухааны үндэслэлээр мөрдөх нь эрүүл мэндийн шинжлэх ухааны тусламжтайгаар олон мянган иргэнийг эмчлэхээс дээр юм байх. Уг нь улсын хэмжээнд ийм чиглэлийн үйл ажиллагаа явуулдаг хоёрхон эмнэлэг бий.

  Тодруулбал, нөгөө нь цэргийн госпиталь юм. Гэтэл манай улс 26 шоронтой гээд бод доо… Харин Төрийн тусгай албан хаагчдын нэгдсэн эмнэлэг цагдаа, хилийн цэрэг, шүүхийн шийдвэр гүйцэтгэл, дотоодын цэргийнхэнд үйлчилдэг. Энэ эмнэлэг 20 гаруй мянган хүнд үйлчлэх зориулалттай. Энэ бол яавч бага тоо биш. Гэтэл дангаараа ийм хүчин чадал үүрч байгаа эмнэлгийг Х.Тэмүүжин сайд толгой мэдэн үгүй хийх шийдвэр гаргасан нь олон хүний бухимдлыг төрүүлээд байгаа юм. Үнэндээ эрх баригч хүчний нөлөөн дор энэ барилгын төлөө лобби хийж, шүлсээ гоожуулж яваа олон хүн бий.

    Тухайлбал, ерөнхий прокурор Д.Дорлигжав энэ эмнэлгийн газрыг ашиглах гэж хэрхэн улайрч байсныг 1998, 1999 оны үед гарч байсан “шар”, “цагаан” хэвлэлүүд гэрчилнэ. Тиймээс эмнэлгийн зориулалтыг өөрчилж, гэмт хэрэгтэй тэмцэх шинэ сайдын зорилгын ард хувийн эрх ашиг нуугдаж байхыг ч үгүйсгэхгүй. Иймдээ ч түүний энэхүү тэнэг шийдвэрийн эсрэг түмэн хүн сайн дураараа гарын үсгээ нэгтгэж, ирэх бямба гаригт тэмцэл өрнүүлэхээр болжээ. Өөрөөр хэлбэл, гарын үсгээ зурсан 10 мянга гаруй хүн 20 гаруй мянган хүний эрх ашгийг хамгаалахаар сэтгэл шулууджээ.

    Мөн тэд эмнэлгийг зориулалтаар нь авч үлдээд зогсохгүй Монголын нийт иргэнд үйлчлэх улсын хэмжээний томоохон оношлогоо, эмчилгээний төв болгон өргөжүүлэхийг Засгийн газраас шаардаж байгаа юм. Мөн энэ эмнэлэгт халуун залуу насаа үдэж, үйлчлүүлэгчдэдээ хоёргүй сэтгэлээр хандаж байсан цэргийн цолтой 60 гаруй хүн Засгийн газрын шийдвэрээс болж, цол хэргэмээсээ татгалзахад ч бэлэн байгаагаа дуулгалаа. Цэргийн цол хэргэм бол ойн медаль, албан байгууллагад олгодог өргөмжлөл төдий зүйл биш. Шинэ жилээр тодордог “Оны тэргүүн” бүр ч биш.

    Олон хүний олон жилийн хөдөлмөрийн үнэлэмж нь билээ. Гэтэл сайдын бодлогогүй яриа, “шинэ” гэж өөрсдийгөө өхөөрдсөн хамгийн хуучин үзэлтэй Засгийн газрын шийдвэрээс болж хөдөлмөрийнхөө үнэлэмжийг үгүй хийхээр шийдсэн нь тэдэнд ямар их дарамт, шахалт байгааг батлан харуулж буй. Түүнчлэн энэ эмнэлгийн ажилтнууд Засгийн газрын гишүүд, Ерөнхийлөгч, УИХ-ын даргыг үүсээд буй байдалтай газар дээр нь танилцахгүй, шийдвэрээ эргэн харахгүй бол олон улсын шүүхэд хандахаа ч мэдэгдээд байна.

    Өнгөрсөн хугацаанд эл эмнэлэгт ойролцоогоор 13 тэрбум төгрөг зарцуулж, дээрээс нь Солонгосын хөнгөлөлттэй зээлээр 20 сая ам.долларын өртөгтэй хамгийн сүүлийн үеийн тоног төхөөрөмжийг оруулж ирэхэд бэлэн болоод байгаа. Үүнээс гадна вакум хагалгааны хэсэг, хийн систем, цахим сүлжээг цоо шинээр суурилуулсан. Энэ эмнэлгийг дэлхийн жишигт нийцсэн тоног төхөөрөмжтэй болгосноор гадагшаа урсах их хэмжээний зардал үлэмж хэмжээгээр багасч, төдий чинээгээр чирэгдэл багасна гэж тооцоолжээ.

    Гэтэл энэхүү томоохон бүтээн байгуулалт, зээл тусламжийг Хууль зүйн сайд Х.Тэмүүжин салхинд хийсгэх шийдвэр гаргасан атлаа “Энэ эмнэлэгт хөрөнгө мөнгө зарлагадаж байснаас цэргийн госпитальд нэгтгэх нь мөнгө хэмнэх боломж” хэмээн тайлбарлаж байгааг юу ч гэж ойлгомоор юм, бүү мэд. Яаж ч бодсон бүтээн байгуулалтаа буулгаж, эмнэлгийн барилгын тодорхой хэсгийг нурааж, өмнө нь хийгдсэн 13 тэрбум төгрөгийг салхинд хийсгэх нь мөнгө хэмнэх гайхалтай арга гэдэгтэй захын чавганц ч санал нийлэхгүй. Хөгжиж буй орнуудын хувьд иргэдийнхээ эрүүл мэндийг тэргүүн эгнээнд тавьдаг.

… Иймдээ ч түүний энэхүү тэнэг шийдвэрийн эсрэг түмэн хүн сайн дураараа гарын үсгээ нэгтгэж, ирэх бямба гаригт тэмцэл өрнүүлэхээр болжээ. Өөрөөр хэлбэл, гарын үсгээ зурсан 10 мянга гаруй хүн 20 гаруй мянган хүний эрх ашгийг хамгаалахаар сэтгэл шулууджээ. Мөн тэд эмнэлгийг зориулалтаар нь авч үлдээд зогсохгүй Монголын нийт иргэнд үйлчлэх улсын хэмжээний томоохон оношлогоо, эмчилгээний төв болгон өргөжүүлэхийг Засгийн газраас шаардаж байгаа юм. Мөн энэ эмнэлэгт халуун залуу насаа үдэж, үйлчлүүлэгчдэдээ хоёргүй сэтгэлээр хандаж байсан цэргийн цолтой 60 гаруй хүн Засгийн газрын шийдвэрээс болж, цол хэргэмээсээ татгалзахад ч бэлэн байгаагаа дуулгалаа.

    Гэтэл манай Засгийн газрын эхний “шинэчлэл”-ийн бодлогын хүрээнд эрүүл мэндийн салбараа тонон дээрэмдэж, эмнэлгийн байгууллагаа бодлогоор нураахаар зэхэж байна. Бас болоогүй Х.Тэмүүжин гэгч зоргоороо эр өөрийнх нь саналыг эсэргүүцсэн төрийн албан хаагч, эмнэлгийн эмч, мэргэжилтнүүдийг “Офицер цолтой хүмүүс байж ямар ч цэрэгжилт, дэг журамгүй. Зөвхөн сайд, дарга нарт үйлчилдэг” гэх мэтээр хардаж ярьсан удаатай. Уг нь түүний бодлоор цэргийн цол хэргэмтэй л бол сайдын үгнээс гарч болохгүй юм байх.

    Тиймдээ ч нэгэн сонинд өгсөн ярилцлагадаа “Офицер цолтой юм байж энгийн хүмүүс шиг ажилламаар байгаа бол энгийн эмнэлэг рүү шилжиж ажилласан нь дээр. Тусгай эмнэлэгт тусгай статустай ажиллаж байгаа юм бол бодлого чиглэлдээ захирагдаж сурах хэрэгтэй” хэмээсэн байх вэ дээ. Зөвхөн энэ яриа, түүний гаргасан шийдвэрээс харахад л хэрхэн өөрийн үгээр байлгаж, дарамтлах хүсэлтэй байгаа нь илэрхий харагдаж байгаа юм. Гэтэл үүний цаана олон мянган иргэний эрүүл мэнд гэж юугаар ч орлуулшгүй том үнэт зүйл байгааг мэддэг учир энгийн иргэд, эмч мэргэжилтнүүд ийнхүү зоримог шийдвэр гаргахад ч бэлэн гэдгээ дуулгаад байна.