МАХН-МҮАН-ын “Шударга ёс” эвслийн намын жаг­­саалтын дөрөвдүгээрт би­чигд­­сэнээр улстөрчийн  намтар нь эхэлж,  эдүгээ  УИХ-д тухалж суугаа эрхэм ги­­шүүн  З.Баянсэлэнгэ  сүүлийн үед  юм л бол “Ма­най намыг бодоорой” гэх  бол­­жээ.
Хувцаслалт, үс засалт тэр ч байтугай  инээмсэглэх төрх байдалдаа ч бодит өөрчлөлт хийгээд байгаа З.Баянсэлэнгэ гишүүнийг НББСШУ-ы байнгын хорооны хэдэн ги­шүүн  “гадаад үзэмж нь илт сай­жирч, царай нь шин­гэрээд,  улам л эмэг­тэйлэг болж байгаа”-г нь  сэмхэн ярилцаж, хөөрхөн сонждог  гэлцэнэ.
НББСШУ-ы байнгын хорооны хурал­даанаар  тэтгэвэрт гарч байгаа багш нарт олгох 36 сарын цалинтай тэнцэх хэмжээний мөнгөн тэтгэмжийн асуудал хэлэлцэхэд УИХ-ын Төсвийн байнгын хорооны дарга Ц.Даваасүрэн баахан  тоо баримт тоочиж,  аргагүй л часхийсэн санхүүч гэдгээрээ асуудалд ханджээ. Гэтэл  З.Баянсэлэнгэ дарга сүүлийн үед ихэд моодонд ороод байгаа ялимгүй аальгүй инээмсэглэлээрээ танхимын уур амьсгалыг зөөлрүүлж,  “Даваасүрэн дарга аа, дарааллаараа яриарай” хэмээн намжирдаж,  гайгүй эдийн засагчийг дуугүй болгочихож байсан.
Ер нь тэгээд УИХ-ын  танхим, байнгын хороодын хуралдаан дээр баахан харчууд  чанга дуугаралцаж байхаар З.Баянсэлэнгэ шиг дарга нартай болчихвол  дар­гын­хаа наалинхай нүдний  ир­мээнд  хуйларсан  эрчүүд  аядуу зөөлөн болж, тэр хэрээр хууль батлах ажил урагш­лах сайн талтай бус уу.
Өнгө зүс нь түмний нүдэн дээр илт сэргэж, сэргэлэн болжмор шиг л жиргэж яваа З.Баянсэлэнгэ дарга   сүүлийн үед ямар нэг арга хэмжээнд оролцохдоо  уул­заж учирсан  хүмүүст “манай намыг бо­доорой” гэх  унш­лага болсон гурван үгийг  байнга  дуулгах бол­сон гэнэ.
Наалинхай инээмсэглэл,  гадаад үзэмжээрээ ордныг чимэх болсон З.Баянсэлэнгэ дарга  НББСШУ-ны байнгын хорооны ажлаа амжуулах завсраа  төрөлх намынхаа төлөө  санаа тавихаа мар­таагүй л яваа ажээ. УИХ-ын эрхэм гишүүн, эмэг­тэй дарга  байх нь ийм л ашигтай байдаг юм байна. Бас урваж шарвадаггүй туйлбартай үнэнч зан эмэгтэй хүнийг улам чимэглэдэг юм байна.
Аравдугаар сарын 27-нд болсон  МАХН-МҮАН-ын “Шударга ёс” эвсэл, бусад нам, хөдөлгөөн, ард ир­гэ­дийн төлөөлөл оролцсон “Их хуралдай-4”-ийн үйл ажил­­­лагаанд эрхэм гишүүн З.Баян­­сэлэнгэ эхнээс нь дуус­тал тун ч идэвхтэй оролц­сон.
Хоёрдугаар эмнэ­лэгт эмчлүүлж байгаа МАХН-ын  дарга Н.Энхбаярын тус хуралдайд ирүүлсэн илгээлт бичгийг сонсож суухдаа ур­сан гарах нулимсаа тогтоон барьж дийлэхгүй мэгшиж суугаа З.Баянсэлэнгэ ги­шүүнийг харахад гудамж­ны тэмцэгчээс УИХ-ын эрхэм гишүүний өндөр сэнтийд залрах замыг нь тэгшлэн засч өгсөн ачит даргадаа хэн хүнээс илүү хайртай нь илт анзаарагдаж байсан юм.
“Их хуралдай”-н индэр дээрээс “Өнөөдөр МАХН нь Монголын хамгийн нөлөө бүхий улстөрийн намын нэг боллоо” хэмээн итгэл төгс мэдэг­дэж зогссон УИХ-ын эрхэм гишүүн  З.Баянсэлэнгэ яваан­даа “Манай намыг бо­доорой” гэх гурван үгээ мар­тах  нь дамжиггүй. Харин тэр цаг үе нь хэзээ бол.