Сайдын зөвлөх гэсэн албан тушаалыг “хашир бурхи”-нууд л хийдэг байхдаа гэж боддог бол та том эндүүрчээ.

Хууль зүйн сайд Х.Тэмүүжингийн дор ажилладаг сайдын зөвлөх нь Х.Номингэрэл гэгч “жаахан” бүсгүй байх аж.

Х.Тэмүүжин сайдыг МУИС-ийн Хууль зүйн сургуульд багшилж байхаас эхлэн баруун суганд нь бат хавчуулагдсан энэ бүсгүй эдүгээ бүр “Даварсаар даварсаар Дагвын орон дээр” гэгчийн үлгэрийг биөэрээ үзүүлж сайдын зөвлөх нэрээр Хууль зүйн яаманд шургалжээ. Багш, оюутан байхаасаа эхэлсэн тэдний харилцаа нэг клубын гишүүнчлэлтэй болоод ч зогссонгүй, “Нээлттэй акадөми” төрийн бус байгууллагын тэргүүн Х.Тэмүүжин, зохицуулагч Х.Номингэрэл, УИХ-ын гишүүн Х.Тэмүжин, гишүүний туслах Х.Номингэрэл гэх мэтээр үргэлжилсээр эдүгээгийн өндөрлөгт хүрчээ.

Сайдын эөвлөх хүртлээ хэрхэн боловсорсон бүсгүй юм бэ гэвэл Х.Номингэрэл нь 2002-2007 онд МУИС-ийн Хууль зүйн сургуульд суралцаж төгссөн бөгөөд 2009-2010 онд Х.Тэмүүжингийн хичээл зүтгэлээр Унгарт магистрийн зэрэг хамгаалоан байна. Ердөө л энэ.Төрд тэгээд, тэдэн жил ажиллачихсан гэх юм огт үгуй. Гэвч МУИС-ийн Хууль зүйн сургуулийн багш Хуягийн охин Номингэрэл ийнхүү сайдад зөвлөгөө өгч, ажил хэрэгт нь хошуу дүрэх хүртлээ томорч “хол алхсан” нь олон хүний нүдийг орой дээр нь гаргасан гэдэг. Их сургууль Төгсөөд ердөө л тавхан жилийн дотор сайдад зөвлөх хэмжээнд хүрсэн гэвэл арай л эндүүрэл гэлтэй.

Ядаж Х.Тэмүүжингийн өөрийнх нь багш Нарангэрэл гуайг сайдад зөвлөөд, дэмжээд явж байна гэвэл хэнд ч сонин содон сонсогдохгүй байсан биз. Сайдын зөвлөх гээч хүн өр нь яг юу хийдэг вэ гээд сонирхож үзтэл: Сайдын зөвлөх нь дараах үндсэн чиг үүргийг хэрэгжүүлнэ.

Үүнд: • Засгийн газрын үйл ажиллагааны хөтөлбөрт сайдын эрхлэх ажлын хүрээнд тусгасан бодлого, зохицуулалтыг хэрэгжүүлэхэд сайдад дэмжлэг, туслалцаа, үзүүлэх;

• Сайдаас шийдвэр боловсруулан гаргахад зөвлөх;

• Сайд, дэд сайдаас болон яам, харьяа агентлаг, байгууллагаас явуулж буй бодлого, хэрэгжүүлж буй үйл ажиллагаа, арга хэмжээний талаар хэвлэл мэдээллийн хэрэгслээршуурхай мэдээлэх; Сайдын өдөр тутмын үйл ажиллагаанд туслах, дэмжлэг үзүүлэх гэсэн байх юм.

Хэвлэл мэдээллийн хэрэгслээр ингэлээ тэглээ гэж мэдээлээд, өдер тутмын үйл ажиллагаанд нь туслаад байхыг хэнбугай ч хийж чаддаг юм гэхэд бодлого, зохицуулалт, шийдвэр гээд яриад эхлэхээр төрд таван жил ч ажиллаж амжаагүй хэнз нэгэн бүхэл бүтэн улсыг удирдалцаж яваа тэр тусмаа Хууль зүйн сайдад зөвлөгөө өгөөд сууж байдаг гэхээр арай л биш санагдана. Мань мэтийн ухаанаар шүүвэл нэг иймэрхүү харин Х.Тэмүүжин сайдын нүдээр харвал бөөн бөөн мэдлэг, туршлага, хуулийг нэвт шувт мэддэг бүсгүй юм болов уу, яадаг юм бол…

Эх сурвалж: ХУВИЙН МӨРДӨГЧ СОНИН