“Universe best songs 2009” уралдааны Гранпри шагналын эзэн дуучин Ч.Цэлмүүн нилээд их зантай нэгэн аж. Өдгөө дөнгөж 21 настай тэрээр өөрийгөө хэтэрхий “мэдэрчихжээ”. Түүний энэ их зан МУГЖ У.Уранчимэгийг ч бухимдуулаад авсан гэдэг. Учир нь 2009 онд тэмцээний ялагч болчихоод “Зүрхэнд гэрэлтэх од” мюзиклийн гол дүрд тоглож байх үедээ найруулагчын үгэнд гомдож “Би энэнд тоглож чадахгүй юм байна. Та нар өөр хүн ол” хэмээн 50 хувьтай яваа киноны ажлыг орхиод явахад ард нь маш олон хүний нөр их хөдөлмөр хөсөр хаягдахыг бодолцож үзэлгүй ам нээж байсан аж. Түүний энэ бодлогогүй үг МУГЖ У.Уранчимэгийг ихэд бухимдуулж, тэрээр Ч.Цэлмүүнийг дуудан ширүүхэн сургамж хайрлаж байж, тогтоосон гэдэг. Үүгээр ч зогсохгүй өмнө нь танидаг байсан хүмүүсээ эргээд таних нь битгий хэл хажууд нь байхад олж “харахаа больсон” гэнэ лээ. Нэг тэмцээнд ороод түрүүлээ л биз. Тэглээ гээд ингэж “сохороор сэхэж” болмооргүй юм даа. Тэрээр сүүлийн үед дорьвитой уран бүтээл хийгээгүй ч Нью-Йоркийн продюссеруудтай хамтарч тун удахгүй бут авах сураг дуулдсан. Гэнэтхэн “од” болж олны анхаарлыг татсан Ч.Цэлмүүн өчигдөр “Өргөө” кино театрт болсон “Бодлын хулгайч” киноны нээлтэн дээр морилов. Тэрээр энэ удаад хүмүүс өөрийг нь анзаараачгүй байхад нүүр амаа нууж, өөрийгөө “од” гэдэгт жигтэйхэн итгэчихсэн явна лээ.

А.Солонго www.uls.mn