Домогт “Ану хатан”-ы түүхэн амьдралаар сэдэвлэсэн дэлгэцийн уран бүтээл тун удахгүй үзэгчдийн хүртээл болно. Түүхт Ану хатны дүрийг дэлгэцэнд мөнхлөх азтай басхүү хариуцлагатай үүргийг хүлээсэн хүн бол дуучин Д.Отгонжаргал юм.

Тэрбээр “Би мэргэжлийн жүжиг¬чин биш учраас бүгдийг үзэгчдийн хүсч байгаа хэмжээнд хүртэл хийнэ гэдэг амаргүй. Түүхэн кино гэдэг утгаараа маш бодитой, үнэн байх ёстой. Тиймээс энэ агуу хатны дайчин, баатарлаг зан төрх, Монголын түү¬хэнд байгуулсан гавьяаг харуулахаас гадна эмэгтэй хүний уужуу ухаан, энэ¬рэнгүй сэтгэлийг нь гаргахыг хичээж байна. Би их эршүүд хүн шүү дээ. Энэ зан чанараараа Ану хатан бид хоёр нэлээд төстэй. Тиймээс түүний энэ чанарыг гаргахад надад нэлээд дөхөм байгаа” гэжээ. Дуучин Д.Отгонжаргал киноны тулааны хэсэгт орлон тоглогчгүй тоглохоор шийдсэн байна. Ер нь бэлтгэл сайн хийчихвэл яагаад чадахгүй гэж тэрбээр хэлжээ.

“Ану хатан”киноны зураг авалт бүтэн жил үргэлжилж байгаа бөгөөд энэ хугацаанд  зургаан ордон, гурван өргөөг кино бүтээгчид өөрсдийн гараар барьсан гэнэ.

medee.mn