Сүүлийн үед шар хэвлэлээр алтны магнатыг арван найман настай Дарханаас гаралтай С.Намуун гэх охиныг эргүүлж, бүр машин хүртэл бэлэглэсэн гэх яриа гараад байгаа.

Гэтэл хүүхний магнат баян эрийг топ модель Пүрэвсүрэнгээс салгаж суугаад Хайрмаа гэх охин төрүүлж өгсөн одоогийн эхнэр Ариунцэцэг нь энэ яриаг эрс үгүйсгэжээ. Тэрээр “Миний нөхөр улс орныхоо төлөө хөлс хүчээ өргөж яваа бизнесмэн хүн, бидний гэр бүлийн амьдралыг ингэж зохиол болгож бичээд байдаг нь хэцүү байдаг” гээд нөхрөө ямар ч Намуунтай холбоогүй, халуун ам бүлээрээ жаргалтай сайхан байна гэжээ. Мөн тэрээр “Хагацлаас хамгийн их айдаг, гэхдээ тэр үхэл хагацлын хагацал биш шүү, би таван жилийн дараах амьдралаа мэдэхгүй шүү дээ” хэмээн санаашрангуй өгүүлсэн байна. Хайран сайхан охин үр заавал Мянгаатай сууж амьдралаа үрэх байсан юм уу хэмээн халаглах олон нийтийн яриаг батлах шиг тэрээр түр зуурын эхнэр, хэзээ нэг цагт чемоданаа чирээд охиноо тэврээд гарахаа мэддэг л болтой юм.

Авсан эхнэр, гарсан хүүхдийнх нь тоог монголчууд бүү хэл өөрөө ч тоолж чадахаа байсан Мянгаа үнэхээр Намуун гэх охиныг эрхлүүлээгүй юу, эсвэл өмнөх эхнэрүүдийн эсэргүүцэж байгаад эрхгүй байраа тавьж өгдөг занг ард түмний мисс давтах нь уу гэдгийг цаг хугацаа харуулах л үлдлээ.