Өнөөдөр твиттерчид нэлээд ширүүхэн хэрүүлийн гэрч боллоо. Уг хэрүүлийн гол дүр нь УИХ-ын шинэхэн гишүүн Д.Батцогт МАН-ын бага хурлын гишүүн Б.Цогтгэрэл нарын хооронд болов. УИХ-ын гишүүн Д.Батцогт жиргээчдийн нүдэн дээр Б.Цогтгэрэл, Н.Батсүмбэрэл нарыг У.Хүрэлсүхийн шалны алчуур гэж хэлсэнээс уг хэрүүл үүссэн аж. Харин хэрүүлийн өрнөл нэлээд ширүүсч сүүлдээ бүр бие биенийгээ “үрийн шингэн, бөгс долоогч, шалны алчуур, дагз, суга” гэж ирээд л хурц, хурц үгээр “булж” жиргээчдийн нүдийг хужирлажээ. Тэдний хэрүүлийг харсан зарим нэг нь “төрийн түшээ хүн ингэж болохгүй” гэж шүүмжилж байсан ч мань хоёр сүүлдээ утсаар ярьж байгаад уулзаж, зодолдох юм ярьжээ. Мөн Д.Батцогт гишүүн Б.Цогтгэрэлийн “хуурамч дипломны асуудлыг сөхнө” гэж сүрдүүлсэн байна. Харин Б.Цогтгэрэл түүнийг “хүүтэй нь хамт зодно” хэмээв. Ямартаа ч хэрүүл нэлээд удаан, нэлээд ширүүн үргэлжилсэн бөгөөд өнөөдөр жиргээчдийн нүдийг орой дээр нь гаргасан юм.
Г.Мөрөн www.uls.mn