Шунал ихэдвэл шулам болно гэж монголчууд сургадаг. Тэгвэл нэгэн цагт төрийн сайдын алба хашиж байсан эрхэм

ахмад дайчны орон сууцыг өгөхгүй жил тойрон эзэмшиж, залилан мэхлэхийг завдсан гэвэл та итгэх үү.
Өвөрхангай аймагт МАН-аас нэр дэвшсэн Содномын Чинзориг Нарийнтээл сумын харьяат ахмад дайчин 90 нас хэвийсэн буурай Дашдоржид төрөөс олгосон орон сууцыг жил гаруй эзэмшиж байсан нь он гарсны дараахан илэрсэн байдаг.
Эх орноо батлан хамгаалж, дайнд оролцсон ахмад дайчиддаа орон сууц олгохоор Монголын төр шийдвэрлэсний дагуу 1945 оны чөлөөлөх дайнд оролцож явсан Дашдорж гуайд нийслэл хотод орон сууц олгохоор болжээ. Гэтэл бүхий л бичиг баримтыг нь бүрдүүлээд явуулсан атал нэг л бүтэлтэй хариу ирэхгүй байж. Дашдорж гуайн хүүхдүүд байнга сурагласаар байсан ч байраа олж авч чадсангүй.
Жил гаруй хугацаа өнгөрсөн бөгөөд 2010 оны намар Чөлөөлөх дайны 65 жилийн ойгоор өвгөнийг “Цусан гавьяаны улаан тугийн одон”-гоор шагнасныг УИХ-ын гишүүн З.Энхболд гардуулан өгчээ. Энэ үеэр гэрийнхэн нь өнөө л орон сууцны асуудлыг сөхөхөд гишүүн гайхаж, байлдаанд оролцож явсан үнэмлэхний нь хуулбарыг  аваад явсан байна. Тэрээр хотод ирээд сураг ажиг тавьж хөөцөлдтөл өнөөх байрны түлхүүрийг аль хэдийнэ Өвөрхангай аймгийн Нутгийн зөвлөлийн дарга С.Чинзориг аваад явсан байж. Улмаар энэ байрыг өөрөө эзэмшиж байсан нь ч тодорхой болж.
Ийнхүү нэгэн цагт эх орныхоо тусгаар тогтнол, бүрэн эрхт байдлын төлөө цусаа урсган байлдаж явсан, өнөөдөр нэгэн зуун насанд ойртож яваа буурал ахмад дайчинд төрөөс хүндэтгэл үзүүлэн олгосон орон сууцыг энэ л нутгийн уугуул, тухайн үедээ Нийгмийн хамгаалал хөдөлмөрийн дэд сайдын алба хашиж байсан Содномын Чинзориг залилан мэхэлж өөрийн болгох гэж байсан нь ичмээр.

/Зуун/