С.Баяр зугтсан, С.Баяр өвдсөн, С.Баяр хаачив гэх хэвлэлийн хуудаснаа цуварч байх үед түүний талаар янз бүрийн л мэдээлэл гарч байлаа. Түүний хүнд зодуулсан, гэмт хэрэгт холбогдоод АНУ-руу зугтсан гээд л тэрбээр жинхэнэ дуулианы эзэн байлаа. Гэвч тэрбээр АНУ-руу эмчилгээнд явж хүнд хагалгаанд орж, аюулт өвчнийг даван туулжээ. “Би өвчинөө даваад эрүүл болоод ирлээ” гэсэн үг нь хэвлэлээр гарах олон таамаглалыг нэг мөр болгож, жинхэнэ амыг таглаж орхисон.

Гэвч тэрбээр эх орондоо ирээд ч амны бай болж, чих амар амьдрахгүй л байна. Ямар сайндаа л түүний ул мөрийг сэтгүүлчид мөрдөж, зурагчид түүний зургийг авахын төлөө “ажилласаар л”.

Учир нь тэрбээр олон түмний нэг асуултанд хариулт өгөөгүй байгаа юм. С.Баяр эх орондоо ирлээ. Одоо юу хийх вэ? Улс төрд эргэн орж ирэх үү? Яагаад 2012 оны УИХ-ын сонгуульд нэр дэвшсэнгүй вэ? 2013 оны “Ерөнхийлөгчийн сонгууль”-д нэр дэвших үү? Гээд л олон чухал асууль хариултгүй байсаар. Тэр бүү хэл МАН-аас 2013 оны Ерөнхийлөгчийн сонгуульд хэн нэр дэвших вэ? Гэх асуултыг ч гол өрсөлдөгч АН-ын гишүүд одоогийн Ерөнхийлөгч Ц.Элбэгдоржийн анхаарлын гол төвд байгаа билээ.

Тэгвэл ойрын эх сурвалжууд “С.Баяр эрүүл болсон, Улс төрийн тавцанд гарахад тэр бэлэн гэлээ. Түүгээр ч барахгүй, 2013 оны сонгуульд нэр дэвших хамгийн өндөр магадлалтай” хэмээн мэдэгдлээ. Үнэндээ МАН-д С.Баяраас өөр Ерөнхийлөгчийн сонгуульд өрсөлдөх хүн байхгүй. МАН-ын дарга асан С.Батболд хэдийгээр дэвших магадлалтай ч түүнийг Засгийн газрыг тэргүүлж байх үеийн шийдэгдээгүй олон асуудал түүнийг орооно.

Бас МАН-ын энэ удаагийнх шиг сонгуульд амжилтгүй оролцож байсан удаагүй нь мөн л түүнтэй холбоотой. Түүнээс гадна өнөөгийн МАН-ын дарга Ө.Энхтүвшин нэр дэвших магадлал бий. Гэхдээ тэрбээр олонд С.Баяр шиг танигдаж чадаагүй. Тэгэхээр МАН-ын ганцхан сонголт нь С.Баяр болох нь бараг тодорхой асуудал болж байна.
Chuhal.mn