Засгийн газраас “Хүний хөгжил сан”-ийн мөнгийг иргэдэд хэд хэдэн хувилбараар олгож байгаа.  “Эх орны хишиг”, “Эрдэнийн хувь” нийлсэн сая 500 мянган төгрөгийн 500 мянгыг 21 мянган төгрөгөөр таслаж сар бүр иргэдэд олгож байгаа бол оюутнуудад сая төгрөгийг нь сургалтын төлбөр хэлбэрээр энэ жил олгож дуусахаар болсон. Харин 65-ээс дээш насны иргэдэд сая төгрөгийг 500-аар хоёр хувааж олгох асуудлыг Засгийн газар хэлэлцсэн. Үүнтэй холбоотойгоор НХХЯ-ны Хөдөлмөр халамжийн үйлчилгээний газар 65-аас дээш настай ахмадуудад олгох сая төгрөгийг ирэх оны гуравдугаар сараас олгохоор болсныг НХХЯ мэдэгдэж байна. Энэхүү мөнгөнөөс ч мөн адил 350 төгрөгийн суутгал авах юм байна.