УИХ-ын дарга З.Энхболд ёстой л гэрлийн хурдаар ажиллаж байна.

Өөрөөр хэлбэл, аливаа асуудлыг шийдэх түүний алхны чимээ чуулганыг маш богино хугацаанд хуралдуулдаг болжээ.

Урьд нь намууд асуудлыг тал бүрээс нь хэлэлцэж, маргаан хүртэл дэгдээдэг байсан. Харин одоохондоо МАН-ын гишүүд чуулганд оролцохгүй, завсарлага авчихаад байгаа, сөрөг хүчингүй учраас асуудлыг санал нэгтэйгээр баталж, УИХ-ын бүтцийг бүрдүүлж байна.

Тиймээс л чуулган зарлалаа, эхэллээ, асуудлыг хэлэлцлээ, гишүүд дэмжлээ, тогтооллыг баталлаа, чуулган дууслаа гэх зарчмаар ажиллаж байгаа бололтой. Хэдийгээр чуулганы хуралдаан хурдан шуурхай болж байгаа ч “Бушуу туулай борвиндоо баастай” гэдэг болох вий дээ гэх хүн ч мэр сэр байна.

Эх сурвалж: “Өглөөний сонин”