Их аварга багадаа хөдөлгөөнтэй хүүхэд байсан бөгөөд одоогийн “Дүүхээ” төв хавиар нилээд бужигнуулдаг байжээ. Аав, ээж нь энэ хүүхдийг бид хүмүүжүүлж дийлэхгүй нь гээд сумо бөх барилдуулахаар арлын орон луу үдэж байсан гэдэг. Тухайн үед Ж.Мөнхбат аварга хайран хүүхэд манай нэг аварга байсан юмсан гэж дуу алдаж байсан гэх яриа ч байдаг. Тэр хатуу спортоор хүмүүжиж Монголын нэрийг дэлхийд дуулгаж ард түмнийхээ хайр хүндлэлийг хүлээж явсан их аварга зодог тайлсан ч шуугиулсаар явна. Их аварга нэг үйлчилгээний газар 5-уулаа орж ирээд 850.000 төгрөгийн үнэтэй оргилуун дарснаас хүний тоогоор авч уусан байна. Мөн танайх хэдэн ажилтантай билээ гээд хүн бүрт 20000 төгрөг өгөөд гарсан гэнэ. Их аварга тэр мөнгийг бусдаас дээрэмдэж, луйвардаж, гуйж аваагүй өөрийн хүч хөдөлмөрөөрөө олжээ. Харийн нутаг өөрийн хүчээр олон мөнгөөрөө юу хийж яаж баярлаж цэнгэх нь хувь хүний асуудал шүү дээ.