Хар тамхи зөөвөрлөсөн хэргээр ял сонссон улсын начин Ц.Улаанхүүг анхан шатны шүүхээс гаргасан 11 жилийн хорих ялыг эсэргүүцэж, Нийслэлийн шүүхэд давж заалдсан ч анхан шатны шүүхийн шийдвэрийг хэвээр баталсан билээ.  Шүүхийн шийдвэрийг өөрт нь танилцуулахаар түүний өмгөөлөгч Д.Халзан өчигдөр Ц.Улаанхүү начин дээр очсон байна. Түүнээс цөөн асуултад хариулт авлаа.

-Ц.Улаанхүү начинтай уулзав уу?

– Ц.Улаанхүү начин Урьдчилан хорих 461 дүгээр ангид хоригдож байгаа. Давж заалдах шатны шүүх хурлын шийдвэрийг өөрт нь хэлэхээр очсон ч,  түрүүлээд сонсчихсон байна лээ.

-Тэгээд юу гэж байх юм?

-Юм ингээд дуусахгүй ээ.  Хийгээгүй хэргийн төлөө юундаа ч сандрах билээ.  Хандаж болох бүхий л газарт хандана гэж байна лээ.

Б.Золбоо