Та бидний сайн мэдэх том биетэй, хөөрхөн алаг нүдтэй жүжигчин СТА Г.Эрхэмбаярыг хөдөө явж байгаад “санамсаргүй хүн буудсан” гэх мэдээлэл газар аваад байгаа. Гэвч энэ нь ташаа мэдээлэл бөгөөд үнэн хэрэг дээрээ саяхан тоглосон “Сайн Муу Хэрцгий “ хэмээх 3D киноны бүтээсэн дүр нь юм байна.

Уг киноны үйл явдал найз нөхөдтэйгөө анд явж байгаад чоно буудах гээд андуурч хүн буудсанаас болж эхэлдэг гэнэ. Тиймээс Эрхэмээг хүндэлдэг үзэгч та санаа зоволтгүй байж болох нээ.

Ташрамд сонирхуулахад, жүжигчин М.Баярмагнай энэхүү кинонд мөн тоглосон. Киноны хамгийн анхны зураг авалт эхлээд ид дундаа өрнөж байхад М.Баярмагнай “3D, 2D  гээд л байх юм. Энэ 3D киног чинь яаж үздэг юм бэ” гэжээ. Гэтэл жүжигчин Төвшинтөр буюу Төтө “нэг нүдээрээ харахаар 2D, хоёр нүдээрээ харахаар 3D болдог байхгүй юу” гэж жүжигчин М.Баярмагнайг онигоонд оруулжээ. Уг нь бол 3D kaмер нь энгийн камераас хоёр дурантайгаараа л ялгаатай юм санж.

М.Жаргал