2012 оны УИХ болон НИТХ сонгуулийн үйл ажиллагаа 6-р сарын 28-ны өдөр буюу маргааш явагдана. Энэ өдөр бүх нийтийн амралтын өдөр болгохоор Сонгуулийн тухай хуульд заасан байгаа. Тиймээс төрийн байгууллагууд болон томоохон худалдааны төв энэ өдөр амрах ёстой. Мөн энэ өдөр согтууруулах ундааны зүйл хэрэглэн сонгуульд оролцох нь хориотой юм.

Тиймээс архи, согтууруулах ундаа худалдаалах зориулалттай дэлгүүр үйлчилгээний газрыг хязгаарлан зогсоохоор үйлдвэрлэл үйлчилгээний хэлтсийнхэн ажиллах гэнэ.  Эдгээр бүх үйл ажиллагаа нь иргэдийг сонгуульд идэвхитэй оролцох боломжийг нь бүрдүүлэхэд оршиж байгаа талаар СЕХ-ны мэргэжилтэнүүд дурьдаж байна. Тиймээс иргэн бүрт сонгох эрхийг нээж өгч, сонгуулийн санал авах өдөр ажлын өдөр таарч байгаа тул бүх нийтээр амрах шийдвэрийг гаргасан юм.