Эцэг эхээ муулаад явж байсан хүнийг та харсан уу. Ялангуяа өсгөж, хүмүүжүүлж, хүн болгосон ээжийгээ газар дор ортол муулаад явж байгаа хүнийг та мэдэх үү. Сиймхий ч гэсэн гэр минь, сэгсгэр ч гэсэн ээж минь гэдэг. Улс төр буцалж, сонгууль ид явагдаж байгаа энэ үед улс төрчдөд тэр дундаа нэр дэвшигчдэд нам бол ээжээс ялгаагүй ачтан.

Учир нь ээж хэмээх нам байгаагүй бол тэр хүн улс төрч биш, ээж хэмээх нам байгаагүй бол тэр хүн төрийн түшээ биш болно. Гэвч зарим улс төрч өссөн төрсөн төрлөх намаа намаа газар ортол нь муулж, “Тиймээ манай нам юу ч хийгээгүй, гэхдээ та нар намайг сонгоорой” гээд гүйж яваа улс төрч байгаа гээд боддоо. Инээдтэй байгаа биз. Зарим хүмүүс түүний энэ яриаг сонсоод “Энэ хүний мэдрэл нь зүгээр болов уу, намаа муулж муулчихаад намайг сонгоорой гээд байх юм. Эмэгтэй хүн урт үстэй, богино ухаантай гэдэг ч үнэн ч юм шиг хэмээн” эргэлзэнэ.
Мэдээж өнөөдөр нам шашинаас дутахааргүй сэтгэхүйд нөлөөлж, ганц л муу үг хэлэв үү үгүй босч ирэх гээд байгаа эгзэгтэй эн үед намаа муулах PR хэр цагаа олсон бэ?
Олон зүйл ярилгүй таавраа таалгая. Саяхан Сонгинохайрхан дүүрэгт АН-аас нэр дэвшиж байгаа гурван нэр дэвшигчтэй уулзалт дээр нь таарлаа. Тус дүүрэгт АН-аас Хотын орлогч дарга асан Да.Ганболд, Монос-ын Л.Эрдэнэчимэг, Л.Эрхэмбаяр нар нэр дэвшиж байгаа бөгөөд бумбагүй газрын бурхан галзуурна гэгчээр тэд ярих ярихгүй юмаа ам уралдан ярьж байна. Хамгийн сонин нь энэ гурвын нэг нь намынхаа логог толгой дээрээ залчихаад Ардчилсан нам юу ч хийгээгүй гэх юм.
Монос-оор овоглогдсон Л.Эрдэнэчимэгийн нэлээд хэдэн сарын өмнө Сүхбаатар аймагт дэвшинэ хэмээн бараг л Монос-оо тэр чигээр л нүүлгэх шахам дэвхцэж байсан ч ачлалт нам нь Сонгинохайран дүүрэгт нэр дэвших боломж хайрласан. Хайрласан ч гэж дээ. Мөнгөтэй хүн тойргийг намынхандаа хайрлуулж биш халаасалж авдаг хойно, олны жишгийг “онхолдуулж” байгаад авсаныг үгүйсгэхгүй юм.
Гэвч ийнхүү уйлан хайлан байж тойрог авсан намаа энэ бүсгүй ёстой нэг сайхан матаж байнаа. Сонгиноос сонгогдох гурав гэх сүржин уриатай эдгээр эрхэмүүдээс Сонгинын сонгогчидтой хийх уулзалтан дээр тэднээс “Ардчилсан нам, Ардын нам хоёр юу хийсэн юм бэ, та нар битгий худлаа ярь, дахин та нарт хууртагдахгүй” хэмээн асуудаг гэнэ. Харин энэ асуултын хариуд “Монос-ын Л.Эрдэнэчимэг “Та нар ингэж асуух аргагүй. Та нарын ярьж байгаа зөв. Ардчилсан нам, Ардын нам хоёр юу ч хийгээгүй” гээд бараг Ардчилсан нам, Ардын намынхан дахин сонгогдоод ч юм хийхгүй ухааны юм ярив. Нэг бодлын энэ эмэгтэйн ярьж байгаа нь үнэн ч, намаараа сонгогдох гэж байгаа хүн ингэж ярьж болно гэж үү.

Тэгсэнээ “Тийм учраас та нар шинэ хүмүүсийн сонго, намайг сонго” хэмээн харуилдаг хэмээн улиарав. Түүний энэ үг тойргоо өгч, итгэл хүлээлгэсэн Ардчилсан намын удирдлагууд, 2008 оны Ардчилсан намаас сонгогдсон гишүүд бүгд худалч, хувхайрагч, тэдний дахиад сонговол юм хийхгүй гэх ойлголтыг өгөв. Учир нь намых нь нэр дэвшигч нь үүнийг өөрийн биеэр хүрч ирээд хэлээд өглөө шүү дээ. Уг нь монголчууд хэзээнээс хаяагаа хадардаг хүмүүст дургүй. Өнөөдөр намаа муулаад, хамаг байдгийг нь тоочоод сууж байгаа энэ хүн маргааш Сонгиночууд яг сонгино шиг гээд доромжлоод энэ дүүрэгт юм хийсэн ч яалаа, хийгээгүй ч яалаа хэмээн яриад явахыг хэн ч үгүйсгэхгүй.
Ийнхүү намаа үгүйсгэж байгаа хүн намыхнаа гаргасан уриаг ч үгүйсгэнэ биз. Тэгэхээр Монос-ын Л.Эрдэнэчимэг хүн шиг амьдруулахгүй, улс шиг хөгжүүлэхгүй болж таарах нь.

 chuhal.mn