Төрийн алба гэдэг бол хэн дуртай нь орж хэн дуртай нь гарч байдаг газар биш. Харин үүнийг ойлгодоггүй дарга нарын уйваагүй үйлдлээс болж өдгөө Төрийн алба гэгчийн нэр хүнд нэг мөсөн уначихаад байгаа юм. Төрийн албан дотроо томоохон аппаратын нэг болох Мэргэжлийн хяналтын ерөнхий газрын шинэ дарга Р.Содхүү хэнийг хэрхэн авсан талаар баримт дэлгэе.

Тэрбээр Мэргэжлийн хяналтын газрын дарга болмогцоо Замын-Үүдийн мэргэжлийн хяналтын даргаар Хөрөнгийн биржид өөрийн гарын хүн байсан Мөнхжаргалыг томилжээ. Түүний энэ томилгооны алдаа өдгөө гарч замын үүдийн боомтоор 27 вагон самар гарч, үүнийг 18 гэж мэдүүлсэн. Мөн гаалиар химийн бодис болон этилийн спирт бага сага орж ирсээр байгаа билээ. Энэ бүхнийг Мөнхжаргал дарга “миний буруу” хэмээн тайлбарласан ч түүний хариуцсан хэсэгт алдаа дутагдал байнга шахам гарсаар байгаа нь санаатай үйлдэл гэж харагдах биз ээ.

Мөн Хөрөнгийн биржид ахлахаар ажилладаг байсан Заяадэлгэр гэгч бас л Р.Содхүүгийн татаасаар өдгөө МХЕГ-т албаны дарга болсон байгаа аж. Хөрөнгийн биржийн олон нийттэй харилцах албаны дарга байсан Хулан гэгч мөн л хуучин даргыгаа дагаж очоод МХЕГ-т шингэжээ. Р.Содхүүгийн эхнэрийнх нь төрсөн дүү Ганжаргал өдгөө МХЕГ-т Р.Содхүүгийн туслахаар ажиллаж байгаа юм. Харин тэрбээр энэ удаа сонгуульд МАН-аас төрсөн охин С.Гэрэлээ Сэлэнгэ аймгаас УИХ-д нэр дэвшүүлэхээр болоод байгаа юм. С.Гэрэл улс төрчийн хувьд тэнцэхгүй увайгүй зан характертай, бидний хэлэхийг цээрлэдэг П””””, Ш”””” хараалуудыг урсгадаг, олны хэлдэгээр бол бүдүүлэг бүсгүй гэнэ билээ. Охиноо гишүүн болгож, өөрөө Мэргэжлийн хяналтын газрын даргаар залран ах, дүү, хамаатан саднаараа багаа бүрдүүлж, хаана ч явсан дагуулдаг гар хөлтэй Р.Содхүүд тооцох хариуцлага гэж байна уу? Төрийн албыг хувийнхаа компани шиг бодож байгаа ийм хүнийг Засгийн газрын агентлагийн даргаар тавьж болох уу?
П.Сүндэр (www.wikimon.mn)