Эрүүл мэндийн дэд сайд Ж.Цолмон хатагтай салбарынхаа тухай уран сайхны кинонд зохион байгуулагчаар ажиллаж, өөрөө ч кадрт нь багтаад авчээ.Гэхдээ жүжиглэсэнүй гэрээ үзэглэж буй ажил хэрэгч төрхөөр дүрээ мөнхлөв.

Үдэш бүр үндэсний телевизээр гарч буй “Өдөр өдрийн нар” кино Яамны санхүүжилтээр хийгджээ. Уг нь бол эрүүл энхийн төлөө тангараг өргөсөн эмч нарын амьдралын жаргал зовлонг өгүүлэх зорилготой тус кино магтах гэж матарлаж, хөл толгойгүй самуунаар нь сурталчилж буйд эмч    эмнэлгийн байгууллагынхан бухимдаад зогсохгүй тэмцэл өрнүүлж ч мэдэхээр байна.
Угаас сайн муугаар чихээ халууцуулж, орвонгоор нь өөрчилж, үндсээр нь суга татаж байж л өөд үзнэ гэгдэх болсон тус салбарынхан “Энэ л дутаж гэнэ” хэмээн сайд нарынхаа уран бүтээлийг зүхэж суугаа аж. Мөн кинонд С.Ламбаа сайд ч дутахгүй дүр бүтээгээд авсан.

Өчнөөн саяар хөрөнгө зарсан түс киног үзэгчид “Эрүүл мэндийн салбарын удирдлагууд салбараа жинхэнэ дүр зургаар нь дэлгэж чадлаа. Баяр хүргэе” хэмээн интернэтээр сэтгэгдлээ хөврүүлжээ. Салбартаа түүхэндээ байхгүй сурталчилгаа хийсэн сайд, дэд сайдынхаа хамт нэгэн эмнэлгийн ойд шөнөжин саатаж “найрсагаараа” гайхагджээ.

С.Ламбаа сайдын    дуулж, бүжиглэхдээ эвлэгхэнийг ч хэлэх үү?

Ж.Цолмон сайдын удирдлагадаа ойж бууж, хошуу цорвойж байгаад нь алмайрсан эмч нар “Хэвлэлээр гардаг ч хоосонгүй” хэмээн ханцуйдаа нудралцаж зогссон гэдэг.

Цагтаа эрхэм сайдыг дэд сайдыгаа хараад шанаагаа тулаад санаа алдаад суучихдаг хэмээж байсан билээ. Эм хүний арганд ордоггүй зүйл энэ хорвоод үгүй гээчийг Ж. Цолмон сайдыг улс төрд утгаар нь үзүүлж яваа гэж хүрээнийх нь хүүхнүүд ил далд ярьдаг. Олны өмнө гаргасан аяглалаар бол Эрүүл мэндийн яамыг энэ хатагтай л хөдөлгөдөг бололтой.

Эх сурвалж: “Монголын нэг өдөр”