Манай улсын хүүхэд залуусыг бужигнуулсан тэр өдөр Америкийн сагсан бөмбөгийн супер од, “Орландо Мэжик” багийн төвийн тоглогч Дуайт Ховард хүндэт зочны дүрээр ирсэн билээ. Тэр өдрөөс багагүй хугацаа өнгөрсөн хэдий ч супер од манай улсад байсаар байгаа бололтой. Учир нь түүнийг танхайн хэргээр цагдаагийн байгууллагаас шалгаж байгаа сурагтай. Хэргийг тодруулбал, алдарт сагсчин манай улсад гурав хонон Туул голын хөвөөнд байрлах “River beach” амралтын газарт саатан тухлахдаа хэсэг монгол охидтой наргисан байна. Гэтэл тэдний хажууд наргиж суусан монгол залуус хэрүүл өдөж, Ховардтай гар зөрүүлсэн гэнэ. Эл зодооны улмаас нэг монгол залуу хүндээр бэртсэн бөгөөд хохирогчийн ар гэрийнхэн Баянзүрх дүүргийн Цагдаагийн газарт гомдол гаргасан байна. Тиймээс алдарт сагсчин Ховард сүүлийн 15 тоглолтоо өнжин байж манай улсын цагдаагийн байгууллагад мэдүүлэг өгч байгаа гэнэ. Ямартай ч тэрбээр Монголд байгаа бөгөөд манай улсаас гарах эрхийг нь хаасан гэнэ.

Д.Алтанцэцэг

mminfo.mn