Монголын хамгийн анхны хамгийн том саалийн үнээ “ГОК”-ын захирал ноён Ч.Ганзориг цагтаа Үйлдвэр худалдааны яамыг толгойлж явсан зайтай, зангарагтай улс төрч. Намдуухан, хийгүй гэх үнэлгээг авдаг тэрээр хатуу ширүүн өрсөлдөөн, шаггүй “мотор”-ын хүчээр сэнтийд нь залардаг “Эрдэнэт”-ийн захирлаар суух болсон нь орон зайг нь тодорхойлж байгаа юм. Түүний хүү Г.Тэмүүлэн сүүлийн үед улс төрд хүч түрэн орж ирж буй нэг. Ер нь 21-р зууны Ардын намыг МАХН-ын гишүүн хашир улс төрчдийн хүүхдүүд авч явах нь илэрхий тодорхой болчихоод байгааг сүүлийн 2 жилийн үйл явдлууд ийн баталж байна.

Өнгөрсөн оны “Алтан сарнай”-гаар гэргийгээ хөтөлсөөр заларсан Г.Тэмүүлэнг Ардын намын залуучуудын байгууллага ч ирээдүйтэй боловсон хүчин гэж үздэгээ бат нот илэрхийлсэн гэж болно. “Эрдэнэс МГЛ” төрийн өмчит компанийн гадаад харилцааны хэлтэсийн даргаар ажиллаж буй залуу лидер Г.Тэмүүлэнгийн гэргий Энхзул хэмээх бүсгүй бий. Хоёр ихэр төрүүлсэн гэгддэг Энхзул бүсгүй манай брэнд хувцасны анхдагч дэлгүүрүүдийн нэг “Ханбүргэдэй” худалдааны төвийн боссын охин. Тэрээр хэвлэлийнхнээс ихэд жийрхдэг нь нүдэнд содон тусах юм билээ.

Эх сурвалж: Монголын нэг өдөр