“Дорнод нутаг” клубын санаачилгаар Монгол Улсын Төрийн шагналт зохиолч Д.Мягмарын “Найрын ширээний ууц” жүжиг мюзикл хэлбэрээр тайзнаа тавигдах гэж байна. Уг мюзикл  энэ сарын 18,19-нд Соёлын төв өргөөнд нээлтээ хийх аж. Энэ жүжиг 1980-иад оны үед Дорнод аймгийн театрт мюзикл хэлбэрээр тавигдаж байсан юм.

“Найрын ширээний ууц” жүжгийн ерөнхий найруулагчаар Дорнод аймгийн иргэн Н.Болд, хөгжмийн зохиолыг  Дорнод аймгийн ХДТ-ын удирдаач УГЗ В.Боролдой, А.Болорхүү нар хамтран бичсэн аж.

Тус мюзиклийн гол дүрд Монгол Улсын Төрийн соёрхолт, гавьяат жүжигчин Ц.Төмөрбаатар, гавьяат жүжигчин Ж.Оюундарь, “Маск” продакшны жүжигчин СТА П.Эрдэнэзаан, СТА Д.Бямбацогт нар тоглох ажээ. Жүжгийг продюсероор СТА ажилтан  Амбий  ажиллаж  байна. Ийнхүү ард түмний хайртай жүжигчин маань өөрт тохиолдсон хүнд өвчнөө ялан дийлж тайзнаа эргэн ирлээ.