“Х-Түц”-ийн мисс, жүжигчин А.Туяа эротик дүрд тоглохыг хүсдэг

Сүүлийн үед хошин урлагт авьяаслаг, царайлаг залуу жүжигчид хүч түрэн орж ирэх болсон. Тэдний нэг нь“Х-Түц” продакшны залуу жүжигчин А.Туяа. Тэрээр хэний ч харцыг татахуйц царайлаг, нуруулаг төдийгүй гадаад төрхийг нь хүмүүс нэлээд европжуу гэлцдэг юм билээ. Залуу жүжигчин А.Туяа хошин урлагийн “тогоон”-д орж ирсэн цагаасаа л бие хаа зүс, царайгаараа олны анхаарлыг татаж, “Миний хөрш чөтгөр”, “Цасан охин” кинонд дүр бүтээж, продакшныхаа хэд хэдэн тоглолтод оролцсон. Үзэгчдэд тэрхүү бүтээлүүдээрээ танигдан, “Х-Түц” продакшны “мисс” цолыг хүртээд амжжээ.  Энэхүү өргөмжлөлийг хамтлагийнхан нь ч хүлээн зөвшөөрдөг төдийгүй чадварлаг сайн жүжигчин хэмээн үнэлдэг гэсэн. “Х-Түц”-ын “мисс” тодорхойлолтыг хүртсэн  жүжигчин А.Туяа өөртөө ихэд итгэлтэй, бардам байдаг ба ирээдүйд эротик дүр бүтээхийг битүүхэн хүсдэг тухайгаа ойрын дотныхондоо алджээ. Тэр хэрээр бие хаа, “хөөрхөн” царайгаа арчилдаг гэнэ. Түүнийг бүтээсэн дүрээс нь илүү  гадаад төрх нь олонд танигдахад нь нөлөөлсөн хүн байдаг гэж ярих нь ч бий. Түүнийг  хүмүүс ихэвчлэн Улсын драмын эрдмийн театрын жүжигчин Г.Отгонцэцэгийн дүү юу  асуудаг гэнэ. Харин залуу жүжигчин А.Туяа “Би нүүр царайндаа Г.Отгонцэцэг шиг “засвар” хийлгээгүй. Яагаад намайг тэр хүнтэй харьцуулаад байгаа юм бэ” гэж бухимдангуй хариулдаг сурагтай.

Б.Дэжид