ХУД-ийн Засаг даргаар ажиллаж байгаад УИХ-д сонгогдсон Д.Загджав муу муухайгаараа бишгүйдээ л дуудуулдаг. Ингэлээ гээд түүний идэж, уух ч зогсохгүй юм, ичих булчирхай ч байдаггүй бололтой. Бурханы номонд муу хэлүүлэх тусам муу хэлсэн хүмүүст чиний нүгэл очиж байдаг, тийм болохоор муу хэлүүлнэ гэдэг бол сайн хэрэг хэмээн бичсэн байдаг. Энэ үгийн биеллийг Д.Загджаваас харж болно. Тэрбээр 3 сарын 7-ны өдөр Засгийн газрын ордноос гарч явахдаа замын хөдөлгөөний дүрэм зөрчиж машин мөргөөд хэргийн газраас зугтжээ. Хаанаас гараад ирэв гэсэн шиг гэнэт гараад ирдэг замын цагдаа нар ч энэ үеэр хаа байсан нь мэдэгдсэнгүй. Машинаа мөргүүлсэн залууд цонхоороо туслахынхаа нэрийн хуудсыг өгсөн гэж байгаа. Туслах руу яриад мөнгө авчих, би ингээд явлаа хэмээн яаран явж одсон түүнд хариуцлага тооцох чадамжтай замын цагдаа манайд даанч байхгүй л дээ.

Өөр нэгэн энгийн иргэн замын хөдөлгөөний дүрэм зөрчөөд хэргийн газраас зугтаж одсон бол захиргааны хариуцлагын тухай хуулийн 25-р бүлэг ээ хэмээн дуудаж байгаад л эрхийг нь хасч, үгүй юмаа гэхэд хөөрхөн хэдэн төгрөгөөр торгоод авсан байгаа даа. Энэ гишүүдэд хууль үйлчилдэггүйн тод жишээ нэгээр нэмэгдэж, Загджавын муу нэр дахин бичигдлээ. Ажлаа сайн хийдэг замын цагдаагийнхныг харж л байя. Зам дээр олон өнцөгт 3D шахуу камер байрлуулсан гээд байдаг. Бас хэргийн газраас зугтсан бол гэрийнх нь хаягаар очиж торгож, арга хэмжээ авч эрхийг нь хасна гээд байдаг. Загджавын гэрт очиж арга хэмжээ авах болов уу? Замын цагдаагийн хурандаа Х.Энхжаргал даргын яриаг дахин дахин санавал өдийд гэрт нь очсон л байх ёстой доо.
Г.Заяа wikimon.mn