Саяхан тоглолтоо хийж “UB palace”-ыг 2 өдрийн турш үзэгч, фенүүдээрээ дүүргэсэн МУГЖ С.Жавхлангийн тоглолтонд Баясгаланг ирж дуулах болов уу гэж  үзэгчид битүүхэндээ горьдож байсан. Учир нь жил бүрийн эмэгтэйчүүдийн баяр буюу мартаар дуучин Баясгалан өөрийн ээждээ болон монголын бүх эмэгтэйчүүддээ зориулж тоглолт хийдэг байсан уламжлалтай. Гэтэл сүүлийн жилүүдэд  дуучин бүсгүй баян хүний эхнэр болоод уран бүтээлээ хаяад, ээждээ болон ээжүүдэд дуулах  шаардлагагүй болсон. Тэрээр урлагыг зөвхөн нэрд гарах хэрэгсэл, мөнгө олох хэрэглүүр болгож байсан нь туйлаас харамсалтай. Дуулсан дуунуудыг нь зохиож өгсөн хөгжмийн зохиолч   Сэр-Одын тоглолтонд оролцоогүй хүн, хэдэн дуу хамт дуулсан хүний тоглолтонд очиж дуулна гэвэл том эндүүрэл биз. Жавхлангийн тоглолт Баясгалангаар дутна гэж ч юу байхав. Энэ ард түмний л хүсэл. Мөн өөрийн дуулж ард түмний хүртээл болгосон хэдэн дуугаа хэн нэгэн дуучин дуулах юм бол “минийх, минийх “ хэмээн өмчирхөх нь хэрээс хэтэрч байгаа. Мөнгөөр бүхнийг авч болдог гэдэг ч бас болдоггүй юм гэж байна . Нэгэнт л ард түмэн сонсож дуулсан бол тэр таны өмч биш хүссэн хүсээгүй ард түмний өмч болдог жамтай.
NUUTS.MN С.Нансал