Лантуун дохио ТББ өнөөдөр 18:00 цагт Сүхбаатарын талбайд хүүхдийн хүчирхийллийн эсрэг жагсаалыг хийхээ зарлалаа.

Тэд групп, клуб, ТББ-ууд өөрсдийн эсэргүүцлийн уриа лоозонгоо бэлдэн нэгдэхийг уриалж байгаа аж.

Тус ТББ-ынхан өнгөрсөн бямба гарагт Шүүхийн шинжилгээний Үндэсний хүрээлэнгийн гадна талбайд “Хүүхдийн хүчирхийллийн эсрэг багтай, чимээгүй жагсаал” хийж, 13 настай охины хэргийн талаар мэдээлэл хийхгүй байгаа шалтгааныг тодруулах зорилготой байсан юм.

Түүнчлэн шат болгоны хариуцлагыг сайжруулах, зохих арга хэмжээг авахуулахад иргэдийн оролцоог уриалж байгаа бөгөөд Шүүх эмнэлгийн дүгнэлтийг үндэслэлгүй хэмээн үзэж буй мэргэжлийн хүмүүсийн дүгнэлтэд хариу өгөхийг шаарджээ.