Бодибилдинг, фитнессийн спортын дэлхийн гурван удаагийн аварга Г.Угалзцэцэг өмнөд хөршид болсон олон улсын тэмцээнд улсаа төлөөлөн оролцож, дахин алтан медаль хүртжээ. БНХАУ-д энэ сарын 20-22-нд зохиосон “China Hangzhou international-2017” хэмээх бодибилдинг, фитнессийн олон улсын тэмцээнд Монголын бодибилдинг, фитнессийн холбооны баг тамирчид өрсөлдсөнөөс ийнхүү ДАШТ-ий гурван алтан медальт, Азийн аварга Г.Угалзцэцэг алтан медалийн эзэн болж, Монгол Улсынхаа төрийн дууллыг эгшиглүүлж, алтан соёмбот төрийн далбаагаа мандуулсан байна. Тэрбээр саяхан эх орондоо болсон ДАШТ-ээс дэлхийн аваргын гурав дахь алтан медалиа хүртсэн юм.