Энэ зорилгынхоо хүрээнд тусгай зөвшөөрөл эзэмшигч аж ахуйн нэгжээс тус газарт ирүүлдэг хайгуулын болон уулын ажлын төлөвлөгөө, тайланг цахим системээр хүлээн авах ажлыг шинээр санаачлан хэрэгжүүлж байна.

Цахимаар хайгуулын болон уулын ажлын төлөвлөгөө, тайлан хүлээн авч эхэлснээр аж ахуйн нэгжид, ялангуяа хөдөө орон нутагт үйл ажиллагаа явуулдаг аж ахуйн нэгжид төрийн үйлчилгээг хурдан шуурхай зардал чирэгдэлгүй үзүүлэх нөхцөл бүрдсэн. Түүнчлэн тус газраас УУХҮЯ болон бусад төрийн байгууллагын хэрэгцээ шаардлагад нийцсэн мэдээ, тайлан, судалгааг хурдан шуурхай боловсруулалт хийж хүргүүлэх нөхцөл бүрджээ.

Мөн энэ үеэр Ашигт малтмал газрын тосны газрын Төрийн захиргаа удирдлагын хэлтсийн дарга Б.Дашпүрэв “Өдөрлөгөөр кадастрын бүртгэлийн системийг танилцуулж байна.

Энэ нь ямар нэг танил тал шаардахгүйгээр улсын хэмжээнд байгаа эрдэс баялгийн салбарт хийгдэж байгаа хайгуулын болон ашиглалтын лиценз бусад тусгай хамгаалалттай газар, орон нутгийн тусгай хэрэгцээний газар гэхчилэн бүх мэдээллийг иргэд www.mrpam.gov.mn вэб сайтаар дамжуулан мэдээлэл авах бүрэн боломж нээгдсэн. Ингэснээр иргэд өөрийн хүссэн мэдээллээ ямар нэг чирэгдэлгүй нээлттэйгээр хүлээн авна” гэдгийг онцлон хэлсэн юм.

Нээлттэй хаалганы өдөрлөг өнөөдөр, маргааш хоёр өдөр үргэлжилнэ.